Jannis ug Till G.

13 ug 11, Bavaria, Germany

Hi. Managsoon kami. Atol sa pandemya, mas nakabasa kami og mas nakagahin og panahon sa gawas. Ganahan gayod kami sa paglangoy-langoy ug mag-football (soccer). Ania ang ubang mga paagi nga kami milambo.

Jannis: Mas nakapasalamat kami sa among mga ginikanan. Dako gayod sila og gitabang sa pag-eskwela sa panimalay. Aron sa pagtabang kanila, naggahin ako og dugang nga panahon sa among manghod nga babaye aron ang akong mga ginikanan makabaton og kalinaw. Mas nakaapil ako sa sakramento matag semana. Misugod usab ako sa pagtuon sa mga kasulatan sa seminary. Kini nga mga butang nakapalig-on sa akong hugot nga pagtuo. Nakadayeg ako kon sa unsang paagi si Joseph Smith nagpadayon bisan sa mga kalisdanan. Gikan kaniya nakat-onan nako nga kinahanglan dili ako mohunong ug nga kon ako adunay mga pangutana, kinahanglan mobasa ako sa mga kasulatan ug pangitaon ang akong mga tubag didto.

Till: Sa eskwelahan, ganahan kaayo ako og math. Kon magkinahanglan ako og tabang sa eskwela, kanunay motanyag og tabang ang akong mga ginikanan. Motabang usab ako sa pagbantay sa among igsoong babaye. Bag-ohay lang, ang akong hugot nga pagtuo milambo pinaagi sa pagkahimong mas nakaapil sa sakramento. Nagbasa usab ako sa Doktrina ug mga Pakigsaad.