“Usa ka Gasa gikan sa usa ka Propeta,” Alang sa Kalig-on sa mga Kabatan-onan, Dis. 2021.
Usa ka Gasa gikan sa usa ka Propeta
Si Presidente Heber J. Grant (1856–1945) adunay malumo nga kasingkasing. Ganahan siya nga mohatag og kwarta ug mga gasa ngadto sa mga tawo kinsa labing nagkinahanglan niini.
Si Presidente Grant mikuha og tig-type aron motrabaho sa iyang opisina, bisan tuod og makagamit lamang siya og usa ka kamot.
Siya ug ang iyang bana kabos, ug gikinahanglan gayod niya ang trabaho.
Uban sa Pasko nga paspas nga nagsingabot, si Presidente Grant gustong mobuhat og labaw pa alang sa iyang tig-type ug sa iyang pamilya.
Mipauli siya ug mipundok sa iyang mga anak.
“Hapit na moabot ang Pasko, ug gusto ako nga mopanalangin sa uban sa paagi nga ang Ginoo mipanalangin kanato.”
“Kahinumdom ba mo kon sa unsang paagi ako mihatag sa matag usa kaninyo og kwarta alang sa Pasko sa miaging tuig?”
“Sultihi ako kon pila ang inyong gusto nga kwarta alang sa Pasko karong tuiga, ug akong ihatag ang samang kantidad sa kwarta ngadto sa akong tig-type!”
Sa buntag sa Pasko, si Presidente Grant miadto sa balay sa iyang tig-type.
Mihatag siya sa pamilya sa iyang tig-type og pabo alang sa panihapon sa Pasko, ug mihatag kanila og pipila ka gatos ka dolyares aron sa pagtabang og bayad sa ilang balay.
Kadto usa ka malipayon nga adlaw alang sa naglisod nga pamilya, ug si Presidente Grant ug ang iyang mga anak mipakigbahin sa ilang kalipay.