“Ang pamahayag sa pamilya naghisgot kabahin sa mga tahas sa mga amahan ug mga inahan, apan unsa man mahitungod sa mga anak nga lalaki ug mga anak nga babaye?,” Alang sa Kalig-on sa mga Kabatan-onan, Dis. 2021.
Direkta sa Punto
Ang pamahayag sa pamilya naghisgot kabahin sa mga tahas sa mga amahan ug mga inahan, apan unsa man ang mahitungod sa mga anak nga lalaki ug mga anak nga babaye?
Litrato gikan sa Getty Images
Ang inyong tahas diha sa inyong panimalay isip usa ka anak nga lalaki o anak nga babaye importante, apan unsa man gayod kini?
Kini mao lang ba ang: “[Pagtahod sa] inyong amahan ug inahan” (Exodo 20:12)? Nan, kana mao ang importante nga sugo nga sundon. Kini nagpasabot sa pagtuman, pagtahod, ug pagsunod sa matarong nga ehemplo sa mga ginikanan. Ang paghatag og dungog ngadto kanila maghatag og dungog nganha kaninyo. Molambo kamo sa kahibalo, kasinatian, ug kinaiya. Ug ang Ginoo misaad kaninyo og mga panalangin sa tibuok kinabuhi kon buhaton ninyo kini.
Apan ingon ka importante niini, kamo dili angay nga maghunahuna nga kini mao lamang ang inyong tahas diha sa panimalay.
Kamo posible ug kinahanglan nga mahimong impluwensiya alang sa kaayohan sa inyong panimalay. Kamo makapakita usab og matarong nga ehemplo—sa inyong mga igsoon ug tingali bisan sa inyong mga ginikanan. Mamahimo kamo nga tigpasiugda og kalinaw. Makabalaan kamo sa adlawng Igpapahulay. Makatuon kamo sa mga kasulatan sa madasigon nga paagi. Mahimo ninyo sa andam nga paagi ang mga buluhaton nga gihangyo kaninyo—o gani ang mga butang nga wala kamo gihangyo.
Ug usa sa inyong nag-unang mga buluhaton sa inyong panimalay mao ang magkat-on ug molambo ug maningkamot nga mahimong ang labing maayo nga kamo nga mamahimo.