“Unsaon nako sa pagbaton og kaisog sa pagsunod sa espirituhanong mga pag-aghat?,” Alang sa Kalig-on sa Kabatan-onan, Dis. 2021.
Mga Pangutana ug Mga Tubag
“Unsaon nako nga makabaton og kaisog sa pagsunod sa espirituhanong mga pag-aghat?”
Tinuod nga Katuyoan
Imahe
batan-ong lalaki
“Ako mobati og kaisog pinaagi sa pag-ampo. Kon mag-ampo ko sa akong Langitnong Amahan sa tinuod nga katuyoan sa akong kasingkasing, nasayod ako nga makabaton ko sa Iyang Espiritu uban kanako. Pinaagi sa Iyang Hinigugmang Anak, ako nasayod nga mapanalanginan ko kon mosunod ko sa espirituhanong mga pag-aghat.”
Agbonavbare Bright I., 19, Nigeria
Pagpuasa ug Pagbuhat
Imahe
batan-ong lalaki
“Alang kanako aron makabaton og kaisog sa pagsunod sa inspirasyon nga akong madawat, ako mag-ampo aron masayod kon kini tinuod gikan sa Ginoo. Dayon ako mohimo og pasalig sa pagsunod sa pagpadayag, inubanan sa daghang mga pag-ampo ug pagpuasa.”
Obed M., 19, Democratic Republic of the Congo
Pagbati og Kalipay
Imahe
batan-ong babaye
“Kon ako nagkinahanglan og kaisog sa pagpaminaw sa mga pag-aghat, maghunahuna ko kon unsa ka malipayon ang akong Langitnong Amahan. Ug kon maminaw ko sa mga pag-aghat sa pagserbisyo sa uban, ako mobati nga mas malipayon ug mas maayo nga adlaw. Ang pagbaton og hugot nga pagtuo sa Ginoo nagtabang nako nga makabaton og kaisog sa pagsunod sa espirituhanong mga pag-aghat.”
Alyssa S., Utah, USA
Matinabangon nga Pundok
Imahe
batan-ong lalaki
“Kon inyong palibotan ang inyong kaugalingon sa mga tawo kinsa mosuporta sa maayong desisyon, mas sayon ang pagsunod sa mga pag-aghat. Pagbaton og hugot nga pagtuo diha sa plano sa Ginoo. Gusto niya nga ang mga butang mosangpot sa labing maayo alang kaninyo.”
Charlie R., Alberta, Canada
Paghimo sa Buhat sa Dios
“Nakahinumdom ko nianang mga espirituhanong mga pag-aghat moabot gikan sa Dios ug Siya mohatag lamang og maayong mga butang nga buhaton. Kita adunay gahom sa pagtabang sa uban nga moduol sa Dios—kon kita molihok sa pag-aghat, kita naghimo sa buhat sa Dios. Wala kamo masayod unsang matang sa epekto ang inyong maangkon kon kamo mobuhat sa usa ka pag-aghat!”