“Fakafehokotakí,” Ki Hono Fakamālohia ʻo e Toʻu Tupú, Tīsema 2021.
Fakafehokotaki
Sānisi mo Tili G.
13 mo e 11, Paveilia, Siamane
Faitaaʻi ʻe Julian Klemm
Mālō e lelei. Ko e ongo tautehina kimaua. Lolotonga e mahaki fakaʻauhá, ne lahi ange ʻema laukongá mo ʻema nofo ʻi tuʻá. ʻOkú ma saiʻia taha ʻi he kakaú mo e soká. Ko ha ngaahi founga kehe ʻeni ne ma tupulaki ai.
Sānisi: ʻOku ou houngaʻia lahi ange ʻi heʻeku ongomātuʻá. ʻOkú na tokoni lahi ʻaupito ʻi he ako ʻi ʻapí. Ke tokoni kiate kinauá, ʻoku lahi ange e taimi ʻoku ou feohi ai mo homa kiʻi tuofefine siʻisiʻí kae lava ʻeku ongomātuʻá ʻo maʻu ha fiemālie. Kuó u kau lahi ange ki he sākalamēnití ʻi he uike kotoa pē. Pea naʻá ku kamata ako foki e folofolá ʻi he seminelí. Kuo fakamālohia ʻe he ngaahi meʻá ni ʻa ʻeku tuí. ʻOku ou mālieʻia ʻi he kei hokohoko atu pē ʻa Siosefa Sāmitá neongo ʻa e ngaahi faingataʻá. Kuó u ako meiate ia ʻoku ʻikai totonu ke u foʻi pea ko e taimi ʻoku ʻi ai ai haʻaku ngaahi fehuʻí, ʻoku totonu ke u lau ʻa e folofolá pea maʻu ai ʻeku talí.
Tili: ʻOku ou saiʻia ʻaupito he fiká ʻi he akó. ʻI he taimi ʻoku ou fie maʻu tokoni ai ʻi he akó, ʻoku fie tokoni maʻu pē ʻeku ongomātuʻá. ʻOku ou toe tokoni foki ke tokangaʻi homa tuofefiné. Kuo tupulaki ʻeku tuí kimuí ni mai ʻi he lahi ange ʻeku kau ki he sākalamēnití. ʻOku ou toe lau foki ʻa e Tokāteline mo e Ngaahi Fuakavá.