“ʻE lava fēfē nai ke u maʻu ʻa e loto-toʻa ke muimui fakatatau ki he ngaahi ueʻi fakalaumālié?,” Ki Hono Fakamālohia ʻo e Toʻu Tupú, Tīsema 2021.
Ngaahi Fehuʻi mo e Talí
“ʻE lava fēfē nai ke u maʻu ʻa e loto-toʻa ke muimui fakatatau ki he ngaahi ueʻi fakalaumālié?”
Loto-Moʻoní
ʻĪmisi
talavou
“ʻOku ou ongoʻi loto-toʻa ʻi he lotú. ʻI he taimi ʻoku ou lotu ai ki heʻeku Tamai Hēvaní ʻi he loto-moʻoní, ʻoku ou ʻilo ʻoku ʻiate au ʻa Hono Laumālié. ʻOku ou ʻiloʻi ʻe tāpuekina au ʻo fakafou ʻi Hono ʻAlo ʻOfaʻangá, ʻi he taimi te u muimui ai ki he ngaahi ueʻi fakalaumālié.”
ʻAkipanapale Palaiti I., 19, Naisīlia
ʻAukaí mo e Ngāué
ʻĪmisi
talavou
“Ke u maʻu ʻa e loto-toʻa ke muimui ki he ueʻi fakalaumālie ʻoku ou maʻú, ʻoku ou lotua ke ʻiloʻi pe ko e ʻomi moʻoni ia mei he ʻEikí. ʻOku ou fakahoko leva ha tukupā ke muimui ʻi he fakahaá, fakataha mo ha lotu mo e ʻaukai lahi.”
ʻŌpeti M., 19, Lepupelika Fakatemokalati ʻo Kongokoú
Ongoʻi Fiefiá
ʻĪmisi
finemui
“ʻI he taimi ʻoku ou fie maʻu ai ʻa e loto-toʻa ke fanongo ki he ngaahi ueʻi fakalaumālié, ʻoku ou fakakaukau ki he fiefia ʻeku Tamai Hēvaní. Pea ʻi heʻeku fakafanongo ki he ngaahi ueʻi ke tokoniʻi e niʻihi kehé, ʻoku ou ongoʻi fiefia ange mo maʻu ha ʻaho lelei. ʻOku tokoniʻi au ʻe he tui ki he ʻEikí ke u loto-toʻa ke muimui ki he ngaahi ueʻi fakalaumālié.”
ʻAlisa S., ʻIutā, USA
Kulupu Poupoú
ʻĪmisi
talavou
“Kapau ʻokú ke feohi mo ha kakai ʻoku nau poupouʻi hono fakahoko e fili ʻoku leleí, ʻe faingofua ange ke ke muimui ki he ngaahi ueʻí. Falala ki he palani ʻa e ʻEikí. ʻOkú Ne finangalo ki he lelei tahá maʻau.”
Siale R., ʻAlapeta, Kānata
Ko e Fakahoko e Ngāue ʻa e ʻOtuá
“ʻOku ou manatuʻi ʻoku maʻu e ngaahi ueʻi fakalaumālié mei he ʻOtuá pea ʻokú Ne ʻomi pē ha ngaahi meʻa lelei ke tau fakahoko. ʻOku tau maʻu ʻa e mālohi ke tokoniʻi e niʻihi kehé ke nau haʻu ki he ʻOtuá—ʻi heʻetau ngāue fakatatau ki he ngaahi ueʻí, ʻoku tau fakahoko ai e ngāue ʻa e ʻOtuá. He ʻikai te ke teitei ʻilo ʻa e faʻahinga lelei te ke maʻu ʻo kapau te ke ngāueʻi ha ueʻi fakalaumālie!”