Naʻá Ne Hāʻele Mai

ʻOku fakamoʻoniʻi ʻe he Tokāteline mo e Ngaahi Fuakavá naʻe hāʻele mai ʻa Sīsū Kalaisi ki he māmaní ʻo akoʻi mai ko hai Ia mo e meʻa naʻá Ne ʻomi ki he kakai kotoa pē.

Naʻe ʻAloʻi Ia ʻi Māmani

Delivered Fakamoʻuí,Tā ʻe Jenedy Paige

“Naʻá ku ʻi he māmaní peá u ngaohi ʻa e kakanó ko hoku nofoʻanga, peá u nofo ʻi he lotolotonga ʻo e ngaahi foha ʻo e tangatá.”

Tokāteline mo e Ngaahi Fuakava 93:4

“Ko au ko Sīsū Kalaisi, ko e ʻAlo ʻo e ʻOtuá. Naʻá ku haʻu ki hoku kakaí, pea naʻe ʻikai maʻu au ʻe hoku kakaí.”

Tokāteline mo e Ngaahi Fuakava 10:57

Naʻá Ne Hāʻele Mai ke Fakahoko e Finangalo ʻo e Tamaí

On Earth as It Is in Heaven (ʻI Māmani ʻo hangē ko Ia ʻi he Langí), tā ʻe Justin Kunz

“Ko Sīsū Kalaisi au; naʻá ku haʻu ʻi he finangalo ʻo e Tamaí, pea ʻoku ou fai hono finangaló.”

Tokāteline mo e Ngaahi Fuakava 19:24

Naʻá Ne Ako mo Tupulaki

And the Child Grew and Waxed Strong in Spirit (Pea Tupu ʻa e Tamasiʻí ʻo Mālohi ʻi he Laumālié), tā ʻe Walter Rane

“Naʻe ʻikai te ne maʻu mei he fonú ʻi he kamataʻangá, ka naʻá ne fai atu mei he ʻaloʻofa ki he ʻaloʻofa, ʻo aʻu ki heʻene maʻu hono fonú;

“Pea ko ia naʻe ui ia ko e ʻAlo ʻo e ʻOtuá, koeʻuhí he naʻe ʻikai te ne maʻu mei he fonú ʻi he kamataʻangá.”

Tokāteline mo e Ngaahi Fuakava 93:13–14

Naʻá Ne Hāʻele Mai ke Huhuʻi ʻa e Kakai Kotoa Pē

Christ in Gethsemane (Ko Kalaisi ʻi Ketisemani), tā ʻe Michael Malm

“Ko e ʻOtuá au, pea ne u fekau hoku ʻAlo pē Taha naʻe Fakatupú ki he māmaní koeʻuhí ko hono huhuʻi ʻo e māmaní.”

Tokāteline mo e Ngaahi Fuakava 49:5

“Vakai, ko Sīsū Kalaisi au, ko e Fakamoʻui ʻo e māmaní.”

Tokāteline mo e Ngaahi Fuakava 43:34

ʻOkú Ne Fekauʻi Mai ʻa e Niʻihi Kehé ke Nau Fakamoʻoni Kiate Ia

Tā fakatātaaʻi ʻe Justin Kunz

“Fakahā ʻa e ongoongo fakafiefiá ki he kakai ʻo e māmaní.”

Tokāteline mo e Ngaahi Fuakava 62:5

“Fakahā ʻa e ngaahi meʻa kuó mo fanongo ki aí, mo tui moʻoni ki aí, pea ʻiloʻi ʻoku moʻoní.”

Tokāteline mo e Ngaahi Fuakava 80:4

Ko Ia ʻa e Māmá

Little Lamb (Lami Siʻisiʻí), tā ʻe Jenedy Paige

“Ko e ʻĀlifá mo e ʻŌmeká au, ko e kamataʻangá mo e ngataʻangá, ko e maama mo e moʻui ʻo e māmaní—ko ha maama ʻoku ulo ʻi he fakapoʻulí pea ʻoku ʻikai maʻu ia ʻe he fakapoʻulí.”

Tokāteline mo e Ngaahi Fuakava 45:7

“Ko au ʻa e maama moʻoni ʻoku fakamaama ʻa e tangata kotoa pē ʻoku haʻu ki he māmaní.”

Tokāteline mo e Ngaahi Fuakava 93:2