“ʻOku fakamatala ʻa e fanongonongo ki he fāmilí ki he ngaahi fatongia ʻo e tamaí mo e faʻeé, kae fēfē nai ʻa e ngaahi fohá mo e ngaahi ʻofefiné?,” Ki Hono Fakamālohia ʻo e Toʻu Tupú, Tīsema 2021.
ʻAi Hangatonu
ʻOku fakamatala ʻa e fanongonongo ki he fāmilí ki he ngaahi fatongia ʻo e tamaí mo e faʻeé, kae fēfē nai ʻa e ngaahi fohá mo e ngaahi ʻofefiné?
Laʻitā mei he Getty Images
ʻOku mahuʻinga ho fatongia ʻi homou ʻapí ko ha foha pe ʻofefiné, ka ko e hā koā ia?
Ko e “fakaʻapaʻapa ki hoʻo tamaí mo hoʻo faʻeé” (ʻEkesōtosi 20:12)? ʻIo, ko ha fekau mahuʻinga ia ke tauhi. ʻOku ʻuhinga ia ki he talangofua, fakaʻapaʻapa, mo muimui ʻi he sīpinga māʻoniʻoni ʻa e ongomātuʻá. ʻI hono fakaʻapaʻapaʻi kinauá, ʻokú ke maʻu ai ha lāngilangi. Te ke tupulaki ʻi he ʻiló, taukeí, mo e ʻulungāngá. Pea kuo talaʻofa atu ʻe he ʻEikí ha ngaahi tāpuaki ʻi he moʻuí kotoa ʻo kapau te ke fakahoko ia.
Ka neongo ʻene mahuʻinga ʻa e meʻá ni, ʻoku ʻikai totonu ke ke fakakaukau ko ho fatongia pē ia ʻi ʻapí.
Te ke lava pea ʻoku totonu ke ke hoko ko ha ivi tākiekina ki he leleí ʻi homou ʻapí. Te ke lava foki ʻo tā ha sīpinga māʻoniʻoni—ki ho ngaahi tokouá mo e tuongaʻane/tuofāfiné pea aʻu pē ki hoʻo ongomātuʻá. Te ke lava ʻo hoko ko ha tokotaha fakamelino. Te ke lava ʻo tauhi e ʻaho Sāpaté ke māʻoniʻoni. Te ke lava ʻo ako loto-vēkeveke ʻa e folofolá. Te ke lava ʻo fakahoko loto-fiemālie ha ngaahi ngāue naʻe kole atu ke ke fakahoko—pe naʻa mo e ngaahi ngāue naʻe ʻikai kole atu ke ke faí.
Pea ko e taha hoʻo ngaahi tefitoʻi fatongia ʻi homou ʻapí ko hoʻo ako mo tupulaki pea feinga ke aʻusia ho tuʻunga lelei tahá.