“Ko ha Meʻaʻofa mei ha Palōfita,” Ki Hono Fakamālohia ʻo e Toʻu Tupú, Tīsema 2021.
Ko ha Meʻaʻofa mei ha Palōfita
Naʻe maʻu ʻe Palesiteni Hiipa J. Kalānite (1856–1945) ha loto-ʻofa. Naʻá ne saiʻia ke foaki ha paʻanga mo ha ngaahi meʻaʻofa ki he kakai ne nau fie maʻu lahi taha iá.
Naʻe fakangāueʻi ʻe Palesiteni Kalānite ha tokotaha taipe ke ngāue ʻi hono ʻōfisí, neongo naʻá ne ngāue nima taha pē.
Naʻá ne masiva mo hono husepānití, pea naʻá ne fuʻu fie maʻu e ngāué.
ʻI he vave e ofi mai ʻa e Kilisimasí, naʻe loto ʻa Palesiteni Kalānite ke ne fakahoko ha meʻa lahi ange maʻa ʻene fefine taipé mo hono fāmilí.
Naʻá ne foki ki ʻapi ʻo tānaki fakataha mai ʻene fānaú.
“ʻOku vave mai ʻa e Kilisimasí, pea ʻoku ou fie tāpuakiʻi ʻa e niʻihi kehé ʻi he founga kuo tāpuekina ai kitautolu ʻe he ʻEikí.”
“Manatuʻi ʻeku ʻoatu kiate kimoutolu takitaha ha paʻanga ʻi he Kilisimasi ʻo e taʻu kuo ʻosí?”
“Talamai e lahi ʻo e paʻanga ʻoku mou fie maʻu ki he Kilisimasi ʻo e taʻu ní, pea te u foaki ʻa e paʻanga tatau pē ki heʻeku tokotaha taipé!”
ʻI he pongipongi Kilisimasí, naʻe ʻalu ʻa Palesiteni Kalānite ki he ʻapi ʻo ʻene fefine taipé.
Naʻá ne foaki ange ki hono fāmilí ha pīpī ke nau maʻu meʻatokoni efiafi ʻi he Kilisimasí, mo ha paʻanga ʻe laungeau ke tokoni ki hono totongi honau falé.
Ko ha ʻaho fakafiefia ia ki he fāmili faingataʻaʻiá, pea naʻe maʻu ʻe Palesiteni Kalānite mo ʻene fānaú ʻa e fiefia tatau.