“Veiqaravi ena Yalomu Taucoko kei na Yalo Vakacegu,” Me iSakisaki ni iTabagone, Jiulai 2022.
Veiqaravi ena Yalomu Taucoko kei na Yalo Vakacegu
Ni a basika mai e dua na madigi ni veiqaravi ena Baqe ni Kakana e Mexico, keitou sa nanuma e tolu na goneyalewa (oka kina o au), dua na cauravou mai na neitou ilawalawa itabagone, kei na 10 tale me keitou vakaitavi.
Taumada, au a sega ni kila na cava keitou na cakava. Ia sega ni dede era sa vakamacalataka na tamata ena baqe ni kakana ni keimami na wasewasea na kakana e sega ni dau vakarusai rawarawa kei na kena e dau vakarusai rawarawa ki na vei taga ni kakana me rawa ni keimami pakete taki kakana me baleti ira na vakaleqai tu. A wasewasea na neitou ilawalawa na itavi, ka keitou sa tekivu tawarawa sara. A totolo na neitou cakacaka vakailawalawa ka keitou tawana rawa e sivia ni 500 na taga kakana!
Mai na veika au sotava oqo au a vulica ni kevaka sara mada ga e sega ni levu na ivurevure e tu vei keda, e rawa tikoga ni da vukei ira na tani ka lailai sara na ka e tu vei ira. Ena veikalawa lailai eso, eda na rawa ni veivuke taucoko ena sala duidui eso. Au kila ni da sa vakalougatataki ni da veiqaravi.
Au taleitaka dina na veiqaravi ena baqe ni kakana. Kevaka a soli vei au na madigi me‘u cakava tale, io, au na cakava tale! Sa dua na ka totoka ni‘u rawa ni qaravi ira na tani. Kevaka e nomu na madigi mo veiqaravi, cakava sara! Kitaka ena yalomu taucoko kei na yalo vakacegu.
E vakaitikotiko mai Mexico City, Mexico o koya e vola.