“Semati,” Me iSakisaki ni iTabagone, Jiulai 2022.
Semati
Ana Julia A.
São Paulo, Brazil
iTaba mai vei Leonardo Conceião Motta
Au vakaitikotiko ena yasayasa tawani vakalevu duadua ena noqu vanua. Au taleitaka na bula tiko e ke kei na kunei ni veivanua vovou kei na noqu matavuvale. Au tiko vata kei rau na noqu itubutubu, taciqu gone, kei na neitou koli, o Meghan. Au taleitaka na tiko vata kei iratou. Keitou dau veidredrevaki vakalevu ka tovolea me keitou vakayaco veika vovou taleitaki. Keitou taleitaka vakalevu cake eso na ka mai na so tale, ia na veika keitou vakila mai kina e tiko kei keitou me tawamudu.
Au tiko ena iotioti ni noqu yabaki ni vuli, ka‘u sa vakarau tu me‘u dabeca na noqu veitarogi vakayabaki. Au yalo taqaya, ia au nuitaka na Turaga me vukei au kina.
Au dau taleitaka na lako i lotu ena vei Sigatabu. E vuqa na itabagone ena noqu tabanalevu, ka dau lasa na itaviqaravi e vakayacori kina. O ira na itabagone era tu wavoliti au era vukei au me‘u tudei tikoga ena kosipeli. Au rawa ni tukuna ni levu na nodra vakabauta.
Au sa vakavakarau tiko me‘u lako i kaulotu. Au vinakata me‘u wasea na kosipeli vei ira na tani me vaka era a vakayacora na daukaulotu ki na noqu matavuvale. Au kila ni na veisautaka vakadua na nodra bula kei na noqu me tawamudu. Au vakavinavinaka ni‘u kila ni rawa ni dua na noqu matavuvale tawamudu.