“Vakavakarau ki na Veiyalayalati ni Valetabu,” Me iSakisaki ni iTabagone, Julai 2022.
Na iToko kei Au
Era wasea na itabagone na sala era bulataka tiko kina na vosa ni iToko ni Goneyalewa kei na Kuoramu ni Matabete i Eroni
Vakavakarau ki na Veiyalayalati ni Valetabu
Ena vakabauta, au na … cakava ka maroroya na veiyalayalati tabu ka ciqoma na cakacaka vakalotu kei na veivakalougatataki ni valetabu.”
iTaba mai vei ira na Lewevuqa ena Temple Crowd Sourcing; vakarautaka na itaukei kei Getty Images
Au taleitaka na lako ki na valetabu! Me vakavinavinakataki na valetabu, e rawa ni dua na noqu matavuvale tawamudu, vukea na vakasoqoni kei Isireli, ka ciqoma na veivakauqeti vakayalo kei na vakacegu.
Ni toki na noqu matavuvale ki na neitou vale vou, au vakavinavinaka ni sa voleka sara ki na valetabu. Au raica vakavinaka sara na valetabu mai na katubaleka ni noqu rumu ni moce. E veisiga niu raica na valetabu, au dau nanuma meu vakavakarau meu cakava na veiyalayalati tawamudu.
Sa ka bibi sara me da vakavakarau ki na veiyalayalati o vakayacora ena valetabu ka vukei ira na tamata ena taudaku ni ilati me ra cakava talega na veiyalayalati oqori. Au sa wilika tiko me baleta na valetabu ka tovolea meu vakavakarau me vaka au rawa ni cakava e levu cake na veiyalayalati. Se qai ciqoma ga o taciqu na nona edaumeni, ka sa dua na gauna talei vua. Niu raica na nona marau sa vakavuna meu kila niu vinakata talega na veivakalougatataki oqori!
Ia e dina ga ni tu na valetabu ena taudaku ni noqu katubaleka, au sega ni via taura ga vakamamada. Kau tovolea meu bula ena dua na sala meu kilikili kina meu curuma na valetabu.
Ni sogo na valetabu ena gauna ni matedewa, e dei tu noqu vakabauta ni na sega ni sogo vakabalavu. Oti au sa qai lesu tale ki valetabu ena imatai ni gauna, ka sa dua na gauna talei. Au a rere vakalailai baleta ni sa balavu toka noqu sega lako kina. Ia niu sa curu yani i loma, au vakila niu okati tu e kea. Au rawa ni vakila na Yalo.
E kaukauwa sara na noqu ivakadinadina baleta na veivanua tabu, kau sega ni rawa ni wawa meu cakava eso tale na veiyalayalati kei na Tamaqu Vakalomalagi.
Na dauvolaivola e vakaitikotiko mai Idaho, Amerika.