Ki na Utona

Na cava e sega kina na cakamana nikua me vaka ena ivolanikalou?

na tamata mataboko ka vakabulai mai vei Jisu

E tu ena ivolanikalou e vuqa na itukutuku ni cakamana. Eso era ka levu ka veivakauqeti, me vaka na tawasei ni Wasa Damudamu se na nona vakabulai mai na mate e dua na tamata. Ia e vakaevei nikua? E sa yaco tiko beka ga na cakamana?

Io, e vakakina. Eda na sega beka ni rogoca na veika me baleti ira, ia na cakamana e sa yaco tikoga ena nodra bula na tamata ena veigauna kece sara.

E kaya o Elder Ronald A. Rasband ena Kuoramu ni iApositolo Le Tinikarua: “E vuqa vei kemuni o ni sa vakadinadinataka na cakamana, ka levu cake sara mai na ka o ni kila. Era na rairai lailai beka. … Ia na kena rabailevu e sega ni vakatautauvatataki ki na dua na cakamana, ka sa vu walega mai vua na Kalou” (koniferedi raraba ni Epe. 2021 [Liaona, Me 2021, 110]).

Na veivuke cava ga mai vua na Kalou e rawa ni vakatokai me cakamana. E vuqa na tamata era sotava na cakamana. O ira na tamata oqori era dau wasea ena so na gauna na nodra italanoa, ia e vakavuqa era dau vakatabuya—me nodra ga kei na Kalou.

Ka nanuma na rua na ka bibi oqo me baleta na cakamana: (1) e dau yaco ga na cakamana ni ra vakabauta na tamata, ka (2) e yaco na cakamana me vaka na lewa kei na gauna ni Turaga. Eda na sega beka ni digitaka na ivakarau se na gauna, ia na cakamana ni Turaga e yaco tiko, nikua sara mada ga. Vei iko sara mada ga?