“Auauna Atu ma Lou Loto Atoa ma Le Fiafia,” Mo le Malosi o le Autalavou, Iulai 2022.
Auauna Atu ma Lou Loto Atoa ma le Fiafia
Ina ua maua se avanoa e auauna atu ai i le Fale o Taumafa o Mekisiko, e toatolu tamaitai talavou (e aofia ai a‘u), o se tasi o alii talavou mai le matou vaega a le autalavou, ma le toa 10 o isi na filifili e auai.
I le taimi muamua, sa ou le iloa po o le a le mea o le a matou faia. Ae e lei umi ae faamalamalama mai e tagata sa i ai i le fale o taumafa o le a matou tuueseeseina ni taumafa e vave ona leaga ma taumafa e umi ona lelei i ni ato faatau mo tagata e le tagolima. Sa vaevae e le matou vaega ia galuega, ona amata lea ona matou teuina. Sa vave le matou galulue o se vaega ma tuufaatasi le silia ma le 500 ato meaai!
Mai lenei aafiaga sa ou aoaoina ai e tusa lava pe le tele ni a tatou lava punaoa, e mafai lava ona tatou fesoasoani i isi o e ua itiiti ifo a latou punaoa. O lea mea itiiti ma lea mea itiiti, e mafai ona tatou fesoasoani uma i auala eseese. Ou te iloa e faamanuiaina i tatou pe a tatou auauna atu.
Sa ou fiafia lava e auauna atu i le fale o taumafa. Pe afai ou te maua se avanoa e toe faia ai, o le a ou faia lava! Sa manaia le mafai ona auauna atu i isi. Afai e te maua le avanoa e auauna atu ai, ia fai loa! Ma ia faia ma lou loto atoa ma le fiafia.
E alaala le tusitala i le Aai o Mekisiko, Mekisiko.