“Fesootai,” Mo Le Malosi o le Autalavou, Iulai 2022.
Fesootai
Ana Julia A.
17, São Paulo, Pasila
Ata na pueina e Leonardo Conceição Motta
Ou te nofo i le eria e sili ona toatele o lo‘u atunuu. Ou te fiafia e nofo iinei ma iloa ai ni nofoaga fou ma lo‘u aiga. Matou te nonofo faatasi ma ou matua, lo‘u uso laitiiti, ma le matou taifau, o Meghan. Ou te fiafia e faatasi ma i latou. Matou te talie i le tele o taimi ma taumafai e fai ni mea fou mananaia. Matou te fiafia i nisi o mea e sili atu nai lo isi, ae o aafiaga e tumau pea ia i matou e faavavau.
Ua ou i ai i lo‘u tausaga mulimuli i le aoga, ma o loo ou sauni mo suega faaiu. E fai sina o’u popole laitiiti, ae ou te faalagolago i le Alii e fesoasoani mai ia te au e ala mai i na mea.
Ou te fiafia e alu i le lotu i Aso Sa uma. E toatele tagata talavou i la‘u uarota, o lea e malie ai gaoioiga. O le autalavou o loo siomia ai au e fesoasoani ia te au ia tumau mausali i le talalelei. E mafai ona ou iloa le tele o lo latou faatuatua.
O loo ou sauni e auauna atu i se misiona. Ou te fia faasoa atu le talalelei i isi e pei ona sa faia e faifeautalai i lou aiga. Ou te iloa o le a suia ai o latou olaga ma lo‘u olaga e faavavau. Ou te faafetai i le iloa ai e mafai ona ou maua se aiga e faavavau.