Tuusao i le Mataupu

Aisea ua leai ai ni vavega i aso nei e pei ona i ai i tusitusiga paia?

O loo i ai i tusitusiga paia le tele o tala o vavega. O nisi e fai si tetele ma faagaeetia, e pei o le vaeluaina o le Sami Ulaula po o le faatuina mai o se tagata mai le oti. Ae faapefea aso nei? O tutupu pea vavega?

Ioe, o loo tutupu pea. Atonu tatou te le faalogo i ai i taimi uma, ae o loo tutupu pea vavega i olaga o tagata i taimi uma.

Na saunoa mai Elder Ronald A. Rasband o le Korama a Aposetolo e Toasefululua: “E toatele outou ua molimauina vavega, e sili atu nai mea ua outou silafia. Atonu e foliga mai e laiti. … Ae o le telē e le tulagaese ai se vavega, ae na oo mai le Atua” (konafesi aoao o Ape. 2021 [Liahona, Me 2021, 110]).

Soo se fesoasoani mai le Atua e mafai ona ta‘ua o se vavega. E toatele tagata e oo i aafiaga o vavega. O nisi taimi e faasoa mai ai e na tagata a latou tala, ae e tele lava ina latou tausisia le paia—i le va o i latou lava ma le Atua.

Ma ia manatua mea taua nei e lua e uiga i vavega: (1) e na o le faatuatua o tagata e oo mai ai vavega, ma le (2) e tutupu vavega e tusa ai ma le finagalo ma le taimi a le Alii. Atonu tatou te le filifili pe faapefea po o afea, ae o vavega a le Alii o loo tutupu, e oo lava i aso nei. E oo foi ia te oe.