“Saunia mo Feagaiga o le Malumalu,” Mo Le Malosi o le Autalavou, Iulai 2022.
O le Autū ma A’u
Ua faasoa mai e le autalavou auala o loo latou ola ai i upu o Autū a Tamaitai Talavou ma le Korama a le Perisitua Arona
Saunia mo Feagaiga o le Malumalu
“O le a ou … osia ma tausia feagaiga paia, ma maua ia sauniga ma faamanuiaga o le malumalu paia.”
Atapue mai le Temple Crowd Sourcing; lagi na saunia e Getty Images
Ou te fiafia e auai i le malumalu! Faafetai i le malumalu, ua mafai ona ou maua se aiga e faavavau, fesoasoani e faapotopoto Isaraelu, ma maua uunaiga ma faamafanafanaga faaleagaga.
Ina ua siitia lo‘u aiga i lo matou fale fou, sa ou faafetai ona sa matua latalata lava i le malumalu. E i ai sa‘u vaaiga atoatoa i le malumalu mai lo’u faamalama o le potumoe. O aso uma pe a ou vaai i le malumalu, e faamanatu mai ai ia te au e saunia e osia feagaiga e faavavau.
E taua tele le saunia mo feagaiga e te osia i le malumalu ma fesoasoani i tagata i tua atu o le veli ia osia foi na feagaiga. Sa ou faitau e uiga i le malumalu ma taumafai ia saunia i le mea ou te mafaia ina ia mafai ai ona ou osia nisi feagaiga. Faatoa maua e lo‘u uso lona faaeega paia, ma o se aafiaga faapitoa mo ia. O le vaaia o lona fiafia na ou iloa ai ou te manao foi i na faamanuiaga!
Ae e ui lava o loo i ai le malumalu i fafo tonu lava o lo’u faamalama, ou te le manao e manatu faatauvaa i ai. O lea ou te taumafai ai e ola i se auala ina ia ou agavaa ai pea e auai i le malumalu.
Ina ua tapunia le malumalu i le taimi o le faama‘i oti, sa ou faatuatua o le a le tapunia mo se taimi umi tele. Ona iu ai lea ina ou toe foi i le malumalu mo le taimi muamua, ma o se aafiaga faapitoa tele. Sa fai si ou popole aua ua umi se taimi ou te le toe oo i ai. Ae o le taimi lava na ou laa atu ai i totonu, sa ou lagonaina e pei o so’u lava lea. Sa mafai ona ou lagonaina le Agaga.
E i ai sa‘u molimau malosi o nofoaga paia, ma ua le mafai ona tatali lo’u manao e osia nisi feagaiga ma lo’u Tama Faalelagi.
E alala le tusitala i Idaho, ISA.