“Nganong walay mga milagro karon sama diha sa mga kasulatan?” Alang sa Kalig-on sa mga Kabatan-onan, Hulyo 2022.
Direkta sa Punto
Nganong walay mga milagro karon sama diha sa mga kasulatan?
Ang mga kasulatan naglangkob og daghang istorya sa mga milagro. Ang uban medyo dagko ug dalaygon, sama sa pagbahin sa Pulang Dagat o pagpabangon sa usa ka tawo gikan sa mga patay. Apan sa ato diay nga panahon? Mahitabo pa ba ang mga milagro?
Oo, mahitabo pa kini. Mahimong wala kaayo nato madunggi ang mahitungod niini, apan ang mga milagro mahitabo pa gihapon sa mga kinabuhi sa mga tawo sa tanang higayon.
Si Elder Ronald A. Rasband sa Korum sa Napulog Duha ka Apostoles miingon: “Daghan kaninyo ang nakasaksi og mga milagro, sobra pa sa inyong mahunahunaan. Kini tingali mura og gamay ra. … Apan ang gidak-on niini dili mao ang nakapahimo niini nga milagro, ang nakapahimo niini nga milagroso tungod kay naggikan kini sa Dios” (Abr. 2021 nga kinatibuk-ang komperensiya [Liahona, Mayo 2021, 110]).
Ang bisan unsa nga tabang gikan sa Dios mahimong matawag nga usa ka milagro. Daghang katawhan ang nakasinati og mga milagro. Kadtong mga tawhana usahay mopaambit sa ilang mga istorya, apan kasagaran sila mopabilin niini nga sagrado—tali kanila ug sa Dios.
Ug hinumdomi kining duha ka importanting butang mahitungod sa milagro: (1) ang mga milagro moabot lang kon ang mga tawo magbaton og hugot nga pagtuo, ug (2) ang mga milagro mahitabo sumala sa kabubut-on ug tukmang panahon sa Ginoo. Kita mahimong dili makapili kon sa unsang paagi o kanus-a, apan ang mga milagro sa Ginoo mahitabo gayod, bisan karon. Gani alang kaninyo.