“Pagpangandam alang sa mga Pakigsaad sa Templo,” Alang sa Kalig-on sa mga Kabatan-onan, Hulyo 2022.
Ang Tema ug Ako
Kabatan-onan nagpaambit kon giunsa nila sa pagsunod ang mga pulong sa mga Tema sa Young Women ug sa Korum sa Aaronic nga Pagkapari
Pagpangandam alang sa mga Pakigsaad sa Templo
“Ako … mohimo ug motuman sa sagradong mga pakigsaad, ug modawat sa mga ordinansa ug mga panalangin sa balaan nga templo.”
Litrato gikan sa Temple Crowd Sourcing; ang langit gihatag pinaagi sa Getty Images
Ganahan ko nga motambong sa templo! Salamat sa templo, makabaton ako og mahangtoron nga pamilya, motabang sa pagpundok sa Israel, ug modawat og espirituwal nga mga pag-aghat ug kahupay.
Sa dihang ang akong pamilya mibalhin ngadto sa among bag-ong balay, mapasalamaton kaayo ko nga duol kaayo kini sa templo. Ako adunay hingpit nga talan-awon sa templo gikan sa bintana sa akong kwarto. Matag adlaw kon ako makakita sa templo, mapahinumdoman ko sa pag-andam sa paghimo og mahangtoron nga mga pakigsaad.
Importante kaayo nga mahimong andam alang sa mga pakigsaad nga inyong himoon diha sa templo ug motabang sa mga tawo sa pikas tabil nga makahimo usab niadtong mga pakigsaad. Nagbasa ako mahitungod sa templo ug naningkamot nga mahimong maandam kutob sa akong mahimo aron makahimo ako og dugang nga mga pakigsaad. Ang akong igsoong lalaki bag-ohay lang nakadawat sa iyang pagtuga, ug kini usa ka espesyal nga kasinatian alang kaniya. Ang makita kon unsa siya kamalipayon nakapaamgo kanako nga gusto usab nako kadto nga mga panalangin!
Apan bisan tuod og ang templo makita ra sa gawas sa akong bintana, dili nako gusto nga ibaliwala kini. Busa maningkamot ko sa pagpakabuhi aron ako kanunayng mahimong takos sa pagtambong sa templo.
Sa dihang gisirhan ang templo atol sa pandemya, ako nakabaton og hugot nga pagtuo nga kini dili sirad-an og dugay kaayo. Dayon sa kataposan nakabalik na ko sa templo sa unang higayon, ug espesyal kaayo kadto nga kasinatian. Medyo gikulbaan ako tungod kay wala ko makaadto dugay na. Apan sa higayon nga misulod ako, mibati ko nga nahisakop ako didto. Mabati nako ang Espiritu.
Ako adunay lig-on kaayo nga pagpamatuod sa balaan nga mga dapit, ug ako dili na makapaabot aron mohimo og dugang pang mga pakigsaad uban sa akong Langitnong Amahan.
Ang tagsulat nagpuyo sa Idaho, USA.