“Konek,” Blong Ol Yut Oli Kam Strong Septemba 2022.
Konek
Lindsey B.
15, Kentaki, YSA
Foto i kam long Christina Smith
Mi gat 15 yia mo hem i seken yia blong mi long hae skul. Mi plei tri spot: basketbol, volibol mo besbol. Spot mo famli, i evri samting abaot laef blong mi.
Long taem blong KOVID, wetem ol tingting we i no sua blong skul, mi mas trastem se Lod i save wanem i gud blong evriwan. I tru, evri studen bae i gobak long skul, mo hem i gud blong mi from se, mi no save lanem gud samting taem mi stap longwe long skul.
Long skul blong mi i gat tri memba nomo blong Jos. I had smol from oli no stap long ol klas blong mi o grup blong mi. Be iven sapos plante long ol fren blong mi oli no Ol Lata-dei Sent, mi save faenem ol narawan we oli gat ol gudfala standet. Hemia i stap helpem mi blong stap raon long ol pipol we oli no save mekem mi mekem mi harem nogud.
Blong “Lisingud long Hem,” mi laekem blong spenem taem miwan mo prea mo luklukgud insaed long ol skripja we oli save helpem mi long ol problem blong mi. Taem mi stap mekem hemia, i helpem mi blong save wanem Lod i wantem mi blong mekem long eni situesen mo blong tingting long olsem wanem Hem bae i tekem aksen.