“Hapi Stop,” Blong Ol Yut Oli Kam Strong, Septemba 2022.
Hapi Stop
Serem Ol Gem we Oli Plei long Olgeta Aotsaed
?Wanem nao sam long ol fevret gem blong yu, we yu plei aotsaed wetem ol fren ol famli blong yu? ?Ragbi taj? ?Mista Wulf? ?Plei haed? ?Karemaot flag? Hemia i samfala gem nomo blong plei aotsaed raon long wol, be yumi save se i gat plante moa we yu save tokbaot long mifala.
Plis sendem i kam long mifala, wan leta we i tokbaot fevret gem blong yu we yu stap plei long hem aotsaed (wetem wan foto, sapos i posibol) i go long ftsoy@ChurchofJesusChrist.org long 1 Oktoba 2022. Bae mifala i karem mo serem sam long ol fevret aedia ia, mekem se bae yumi save lanem sam moa.
Ol Hapi Wei blong Ridim Ol Skripja
Blong mekem samting i defren, yu save traem wan long ol tingting ia blong mekem long taem blong ridim skripja.
-
Tingting long wan ol tu pipol we yu save, we oli stap traehad mo ridim ol skripja we i go stret wetem ol nid blong olgeta.
-
Putum stori we i fevret blong yu i plei long wan redio o fon, blong yu save lisin long hem.
-
Wetem famli ol fren, mekem wan afta wan blong oli rekodem yu taem yu stap ridim ol skripja. Afta, sendem ol rekoding ia i go long ol narafala pipol we yu no stap luk olgeta oltaem, olsem wan misinari.
-
Mekem ol papet doli aot long ol stoking mo soem wan papet so, blong wan japta ol wan stori aot long ol skripja.
-
Ridim olgeta tugeta tru long wan vidio ol fon kol wetem wan narawan.
-
Sapos yu stap lanem wan nara lanwis, traem blong ridim ol skripja long lanwis ia, afta transletem i gobak long lanwis blong yu.
-
Wajem ol vidio blong ol skripja long Gospel Laebri (anda long Ol Vidio mo Ol Pikja). Afta, ridim ol ves o ol japta we oli go wetem ol vidio ia.
Sisen Kruked Rod
Ol lif oli stap foldaon long not saed blong wol mo semtaem ol flaoa oli stap open long saot saed blong wol. Fanem wan rod stat long res lif long top i go long yelo lif daon. Yu save jiam i go long lef, raet, antap o daon (be yu no save jiam kros) i go long ol simbol we oli gat semmak sep ol kala. Tu eksampol blong ol muv ia oli soem finis. I gat moa bitim wan wei ia nomo blong komplitim gem ia.
Ol Komik
!Ei, niufala tija ia i no wantaem yumi kakae jingkom long klas! Yu haedem gud pis ia we mi givim long yu.
Ryan Stoker
Man we i no waes i bildim haos blong, hem antap long sanbij—so, mi bildim blong mi long wan narafala samting.
Val Chadwick Bagley