“I gat wan mak we i talem hamas taem mi save sakem sin?,” Blong Ol Yut Oli Kam Strong, Septemba 2022.
Go Stret long Poen
?I gat wan mak we i talem hamas taem mi save sakem sin?
Taem yu gat wan tru hat blong wantem sakem sin, bae i wan had samting sapos yu mestem bakegen. Be from Atonmen blong Jisas Kraes ia we i no gat en, sore mo glad hat blong God oli nogat en, mo yu save sakem sin yet mo stap klin inaf. Tingbaot se “blong sakem sin, i wan wan spesel taem; hem i wan rod blong folem” mo we “taem yumi jusum blong sakem sin, … yumi jusum blong … kasem glad.”1
Fasin blong sakem sin i stap oltaem, iven sapos yu mekem semmak mistek bakegen. Lod i bin talem: “Mo evri taem we ol pipol blong mi oli sakem sin, bae mi fogivim olgeta long ol rong blong olgeta agensem mi” (Mosaea 26:30). Stap olsem wan long “pipol blong Hem,” mo gobak long Lod, eni taem we yu stap lusum rod. Mo tu, toktok long papa mo mama blong yu mo bisop blong yu. Help mo sapot blong olgeta i save givim paoa long yu.
Sapos yu stap traehad blong winim wan sin, yu no givap. Setan bae i wantem yu blong biliv se, bae i no gat wan wei blong yu save kam gud bakegen, ol yu bin yusum evri janis blong yu finis we yu bin gat. Be i no tru. Gohed blong stap traem. Oltaem Lod i stap akseptem olgeta we oli sakem sin tru long hat blong olgeta.