Ol Strong Fandesen we Oli No Save Finis

Ol Lata-dei Sent yut, oli stap bildimap laef blong olgeta long Strong Ston blong Ridima, (luk long Hileman 5:12).

Problem blong Stap Muvaot

Famli blong mi i muvaot plante taem mi stap groap. Blong stap mekem ol jenis long wan niufala ples i had tumas, be long taem blong fas yia blong mi long seken skul, mi laekem tumas ples we mi stap laef long hem. Be, evri samting i jenis taem bubuman blong mi ded mo papa mo mama blong tufala i disaed blong mifala i muvaot i go kolosap long bubuwoman blong mi. Mi fraet tumas blong muvaot bakegen. Mi bin wok tumas blong tekpat long skul mo mekem niu fren.

Mi no laekem mo rao wetem papa mo mama blong mi abaot tingting ia blong muvaot. Papa mo mama blong tufala i leftemap tingting blong mi blong prea from. Mi traem be mi no kasem eni ansa. Nomata long ol filing blong kros ia, mi disaed blong prea wan moa taem. Bifo mi iven stat, mi harem wan klia voes long maen blong mi i se, “Rachel, yu no save kasem wan ansa from se yu no wantem wan.” Mi bin sapraes. Afta wan smoltaem, mi stat blong mekem prea i defren. Mi talemaot hat blong mi i go long Papa long Heven mo askem wanem Hem i nidim mi blong mekem.

Filing we mi bin kasem, i we, famli blong mi i nidim blong muvaot. Afta we mi putum tingting i stap daon mo akseptem wanem we Papa long Heven i wantem, mi bin filim pis. I no bin isi oltaem, be mi bin save se mifala i stap long ples we Lod i nidim mifala blong stap long hem. Eksperiens ia i helpem mi blong kam moa kolosap long Sevya blong muv kolosap i kam long huia we Hem i nidim mi blong kam.

Rachel H., Wasington, YSA