“Ikonektar,” Alang sa Kalig-on sa Kabatan-onan, Sept. 2022.
Ikonektar
Lindsey B.
15, Kentucky, USA
Litrato pinaagi ni Christina Smith
15 anyos ko, ug sophomore ko sa high school. Modula ko og tulo ka sport: basketball, volleyball ug softall. Daw sige lang sport ug pamilya ang akong kinabuhi.
Atol sa COVID, uban sa walay kasiguroan nga tuig nga ting-eskwela, misalig ko nga ang Ginoo nahibalo unsay pinakamaayo sa tanan. Ang akong eskwelahan nakabalik ra gyod sa pagklase sa campus, nga mao ang pinakamaaayo alang nako, kay dili kaayo ko maayong magkat-on kon dili sa eskwelahan.
Sa akong eskwelahan tulo lang kami nga miyembro sa Simbahan. Ingon og lisod kay dili kami kauban sa mga klase o grado. Apan bisan og kasagaran sa akong mga higala dili mga Santos sa Ulahing mga Adlaw, makit-an nako ang uban nga maayo og mga sumbanan. Nakatabang kanako nga gikauban ang mga tawo kinsa dili mopakaubos kanako.
Aron “Makapaminaw Kaniya,” gusto kong mogahin og panahon nga mag-inusara ug mag-ampo ug mobasa og mga kasulatan mahitungod sa akong mga problema. Ang paghimo niini nakatabang nako aron mahibalo unsay gusto sa Ginoo nga akong buhaton niana nga sitwasyon ug sa paghunahuna unsa kaha ang Iyang reaksiyon.