“Ang Walay Paglimbong nga Grado,” Alang sa Kalig-on sa Kabatan-onan, Sept. 2022.
Lig-on nga mga Pundasyon
Mga Santos sa Ulahing mga Adlaw nga kabatan-onan, nagtukod sa ilang kinabuhi diha sa Lig-on nga Sukaranan ni Jesukristo (tan-awa sa Helaman 5:12).
Ang Walay Paglimbong nga Grado
Paghulagway pinaagi ni Katie Payne
Sa eskwelahan, ang akong magtutudlo sa chemistry gustong mopasiugda og walay pagpanglimbong sa iyang klase. Siya miingon namo nga kami ra ang mo-check sa kaugalingon namong mga test ug moreport sa among kaugalingon nga mga score. Dihang gi-check nako ang akong mga tubag, natintal ko nga modugang og usa ka puntos sa akong score. Nagkinahanglan ra ko og usa ka ekstra nga puntos nianang adlawa aron makapasar sa test. Naglingkod ko sa makadiyot, naghunahuna unsay buhaton.
Samtang naglingkod ko nga naghunahuna, sa kalit nakahinumdom ko sa kinutlo gikan ni Presidente Gordon B, Hinckley (1910-2008) nga gisulat nako sa luyo sa akong identification card “Dako og kadaot nga butang ang usa ka gamay nga pagpanglimbong. … Ang institusyon makabarog ra gihapon bisan maalkanse sila, apan ang indibidwal dili makabarog kon mawad-an og respeto sa kaugalingon” (“I Believe,” Ensign, Ago. 1992, 5). Sa ubos niana nga kutlo mao ang mga pulong nga: “Kon ang Manluluwas nagbarog tupad nako, mohimo ba ko sa butang nga akong gibuhat?”
Mibati ko og kalinaw ug kalipay dihang akong nahibaloan unsay angay nakong buhaton. Wala ko mousab sa hagbong nako nga grado, apan nasayod ko nga nakapasar ko sa mas importante nga test—sa test sa pagkamatinuoron—ug mapasigarbohon ko sa pagpili nga akong gihimo.
Natalie A., Philippines