“Duna bay limit kon kapila ko pwedeng maghinulsol?,” Alang sa Kalig-on sa Kabatan-onan, Sept. 2022.
Direkta sa Punto
Duna bay limit kon kapila ko pwedeng maghinulsol?
Kon kamo tinuoray nga nagtinguha sa paghinulsol, makasagmuyo kon kamo masipyat og usab. Apan tungod sa walay kinutoban nga Pag-ula ni Jesukristo, ang kalooy ug grasya sa Dios walay kinutoban, ug sa gihapon kamo pwedeng maghinulsol ug mahimong takos. Hinumdomi nga “Ang paghinulsol dili usa ka panghitabo; usa kini ka proseso” ug nga “kon kita mopili sa paghinulsol, … kita mipili sa … pagdawat og kalipay.”1
Ang paghinulsol kanunay nga anaa, bisan og nakahimo kamo og mao gihapon nga sayop. Ang Ginoo miingon, “Ingon sa kanunay nga ang akong mga katawhan maghinulsol Ako mopasaylo kanila sa ilang mga kalapasan batok kanako” (Mosiah 26:30). Magmahimong usa sa “Iyang katawhan,” ug mobalik ngadto sa Ginoo sa matag higayon nga ikaw mahisalaag. Usab, pakigsulti sa inyong mga ginikanan ug sa inyong bishop. Ang ilang tabang ug suporta makalig-on kaninyo.
Kon naglisod kamo sa pagbuntog sa usa ka sala, ayaw paghunong. Si Satanas tingali gusto nga kamo magtuo nga kamo wala nay paglaom nga mausab o nahurot na ang inyong tanan nga kahigayonan. Apan dili kini tinuod. Padayon sa pagpaningkamot. Ang Ginoo kanunay nga mohangop sa kinasingkasing nga paghinulsol.