“Ang pagpahigayon sa sakramento sa panimalay taglagsaon. Nganong gusto sa Ginoo nga mobalik kita sa simbahan?,” Alang sa Kalig-on sa Kabatan-onan, Sept. 2022.
Mga Pangutana ug Mga Tubag
“Ang pagpahigayon sa sakramento sa panimalay talagsaon. Nganong gusto sa Ginoo nga mobalik kita sa simbahan?”
Aron Mahiusa
“Ang Ginoo gusto nga kita mobalik sa simbahan tungod kay gusto Siya nga kita mas maduol ngadto Kaniya. Gusto usab Siya nga kita mahiusa isip mga kaigsoonan. Pinaagi sa pag-adto sa simbahan, kita mahiusa, magkatinabangay, ug makapakita Kaniya sa atong pasalamat alang sa tanan nga Iyang gibuhat kanato. Mapalawman usab nato ang atong hugot nga pagtuo ug makat-on og bag-ong mga pagtulon-an.”
Melanie M., 13, Mexico
Kalig-on pinaagi sa Gidaghanon
“Ang sakramento diha sa panimalay talagsaon tungod kay nagdala kini sa Espiritu diha sa atong mga panimalay ug magtabang nato sa pagkaamgo nga kita kinahanglan nga modala sa simbahan diha sa atong mga panimalay imbis magpokus lamang og kausa niini sa usa ka semana. Hinoon, ang pagsimba diha sa panimalay mopabati kanimo nga nahibulag. Ang pagsimba ngadto gayod sa simbahan importane tungod kay magmugna kini og kalig-on tungod sa gidaghanon.”
Nathan G., 15, Arizona, USA
Pagtukod og Maayong mga Relasyon
“Sa simbahan anaa ang mahigugmaong palibot. Didto, malig-on ninyo ang mga pakigrelasyon ug makapanalangin sa kinabuhi sa uban samtang sa samang higayon mapanalanginan. Ang Simbahan importante usab alang sa pagpalambo sa inyong kahibalo sa ebanghelyo. Ang Ginoo gusto nga kita makasangyaw sa ebanghelyo ngadto sa mga naglibot kanato ug makatukod og Zion.”
Amelia W., 16, Utah, USA
Maanaa Didto alang sa Uban
“Dihang nagsugod ang pandemya, nabalaka ko basin dili na kami makaambit sa sakramento , apan dayon ang bishop mitugot nga mahimo namo kini sa panimalay! Ang ubang tawo naghunahuna nganong mobalik gyod kita sa simbahan, apan nagtuo ko nga kita mobalik gyod aron makalamdag sa uban—sa pagpakig-istorya o pagtabang sa usa ka tawo. Moadto gayod kita sa simbahan aron sa paghatag sa atong gugma ug sa pagpaambit sa atong mga kasinatian.”
Tamara M., 17, Mexico
Mobag-o sa mga Pakigsaad
“Gusto sa Dios nga mobalik kita sa simbahan tungod kay dili tanan ang makaambit sa sakramento sa ilang mga panimalay. Giingnan ko sa akong lolo nga, isip usa ka tighupot sa pagkapari, kinahanglan nga akong isiguro nga ang tanan aduna niini nga oportunidad. Importante alang kanato nga makaadto sa simbahan aron kitang tanan makabag-o sa atong mga pakigsaad.”
Esteban M., 16, Argentina