“Katoma,” Ibukin Kakorakoraia Kairake, Tebetembwa 2022.
Katoma
Lindsey B.
15, Kentucky, USA
Tamnei iroun Christina Smith
Au ririki 15 ao au kauoua n ririki n te kauarinan. Teniua au takakaro ae I takakaro iai: batiketi booro, nete, takakaro n te booro. E bane angiin au tai n te takakaro ao n au utu.
Inanon te COVID, ma kangaanga inanon tain te reirei, I katuka au onimaki bwa te Uea e ataa riki ae tamaroa ibukiia aomata ni kabane. Imwiina ao e a manga uki te oki nakon te kaawa n reirei, are e rang tikiraoi riki ibukiu, ibukina bwa e aki rangi nakoraoi au reirei mai tinaniku.
N au reirei ao iai teniman kaain te Ekaretia. Te kangaanga teutana bwa naakai tiaki kain au kiraati. Ma e ngae ngke angiia raraou tiaki aomata aika A Itiaki, I kuneia tabeman aika a tamaroa aroaroia. E buokai ni mena ibuakoia aomata aika aki kona ni uotai rikaaki.
N “Ongo Irouna, ” I tangiria ni kabanea au tai i bon irou ao n tataro ao noori booki aika a tabu ibukin au kangaanga nako. E buokai karaoan aio n ataia bwa tera ae tangiria te Uea bwa N na karaoia ngkana iai kangaanga ae I rinanona ao n iangoia bwa E na kangaa ni buokai.