“Te Tia ae Kaunga,” Ibukin Kakorakoraia Kairake, Tebetembwa 2022.
Te Tia ae Kaunga
Tibwauaa Am Takakaro i Tinaniku
Tera tabeua am takakaro ae mamate nanom ae ko kona n takakaro iai i tinaniku ma raraom ao am utu? Touch rugby? Sly fox? Ikaraaba? Tauakin te Buraeki? Akanne tabeua takakaron tinaniku ae takakaronaki ni katobibia te aonaba, ma ti ataia bwa a mwaiti riki ae ko konaa n tuangira.
Taiaoka kanakomaia kabwarabwaran am takakaro i tinaniku ae ko tatangira (ma te tamnei, ngkana e riai) nakon ftsoy@ChurchofJesusChrist.org imwain Okitobwa 1. 2022. Ti na rikoi ao n tibwai tabeua iango aika a tangiraki bwa ti aonga ni kona n reiakin tabeua.
Kawai Aika a kakukurei ni Warekan Booki aika a Tabu
Ni kaunga riki te waaki, ko konaa ni kataa teuana mai ibuakon aikai ibukin warekan booki aika a tabu.
-
Iangoa temanna ke uoman aomata ae ko ataia bwa iai aia kangaanga ni warekii boki aika a tabu ae kaineti nakon kainnanoia.
-
Karaoa te takakaro ke te kaotioti ni wareka am karaki ae mamate iai nanom man te boki ae tabu.
-
Ikaruoruo n rawea tamneimi ni warekan booki aika a tabu, ma am utu ao raraom. Imwiina kanakoi rawetawe akanne nakoia tabeman ae ko aki rangi n nonoriia , n aroia mitinare.
-
Katauraoa te kamataku ae karaoaki man taian taore aika a karaoaki man nangoa n wae ae rongorongon te mwakoro teuana ke te karaki man booki aika a tabu.
-
Wareware n ikotaki iaon te witeo ke iaon te tareboon ma temanna.
-
Ngkana ko reiakina te taetae teuana, kataia wareki koroboki aika tabu n te taetae anne ao imwiina manga rairia nakon oin am taetae.
-
Mataku ni witeo man booki aika a tabu man Gospel Library (iaan Videos and Images). Imwiina ao wareki kibuntaeka ke mwakoro ae a titebo ma te witeo are kam mataku iai.
Mronron ni katobibi te kawai inanon te mronron
A bwaka baanikai ni iteran te mronron are i meang ao a raure uee ni iterana mai maiaki. Kakaea te kawai man te baanikai ae uraura mai ieta nakon te baanikai ae baboboo mai i nano. Ko kona ni kiba nakon maingim, ataim, eta, ke nano (ma tiaki nakon te itera teuana nakon teuana) imarenan kanikinaa aika bwaai ae titebo taraakia ke aia karaia. Uoua katooto n aron te mwaing aika a kaotaki. E mwaiti te anga ae e na bane iai iroum te kamwaninga.
Tamnei aika Kamanga
Naaka, e aki tangiria te tia reirei ae boou bwa tina kam inanon tain te reirei! Taratara raoi ma te bwai ane I anganiko anne.
Ryan Stoker
Te aomata ae nanobaba e katea ana auti iaon te bike—ma ngaia are ngai I kateitei iaon te bwai teuana.
Val Chadwick Bagley