“Te Bwii ae Koaua,” Ibukin Kakorakoraia Kairake, Tebetembwa 2022.
Aan Kateitei aika Matoatoa
Roronrikirake ni boong aika kaitira, a katea maiuia iaon te Bwaa are Iesu Kristo (taraa Ereman 5:12).
Te Bwii ae Koaua
Tamnei iroun Katie Payne
N te reirei, au tia reirei n te chemistry e tangiria n karikirakea te kokoaua inanon ana kiraati. E tuangira bwa ti riai ni tuoa mwiin ara ukeuke ao n ribotina oin ara bwii are ti karekea. Ngke I tuoa au reke, I kaririaki bwa N na ikota teuana riki te bwii nakon au bwii n te ukeuke. I bon ti kainnanoa te raka ni bwii anne bwa na bwaati au ukeuke. I tekateka ikekei tabeua te tai, ni iangoia bwa tera ae N na karaoia.
Ngke I tabe n tekateka ni iango, I waekoa ni uringa te taeka mairoun Beretitenti Gordon B. Hinckley (1910–2008) are I kaaki i akuun au kaati are n na kinaaki iai: “Ai bon kangangara karaoan te kewe ae uarereke. … E kona te rabwata teuana n waaki ngkana bua te mwane, ma te aomata temanna e aki kona ni kaoka buan inaomatan temanna ” (“I Believe,” Ensign, Aokati. 1992, 5). Iaan te taeka anne e taekinaki anne bon te mwakoro n taeka ae: “Ngke e tei irarikiu te Tia Kamaiu, N na kona ni karaoa te bwai ae na karaoia?”
I namakina te rau ao te kukurei ngke I ataia bwa tera ae na riai ni karaoia. I aki bita au bwii are e aki bwaati arei, ma I ataia bwa I boni bwaati riki nakon te ukeuke ae kakawaki—ao I kakatonga n te rinerine are I karaoia.
Natalie A., Philippines