“Kataakin te Anua ni Maeu,” Ibukin Kakorakoraia Kairake, Tebetembwa 2022.
Aan Kateitei aika Matoatoa
Roronrikirake ni boong aika kaitira, a katea maiuia iaon te Bwaa are Iesu Kristo (taraa Ereman 5:12).
Kataakin te Anua ni Maeu
Kamataata n te Korotamnei iroun Katie Payne
Tiaki aio ae I tiaina ibukina. Iai nanou ni kan buoka karaoan ana o tibutoruu te unaine ni kabiria n te oera are e na buoka ana o ni kamanoa. Ma ni waakin te tai, a bwaro maonou iaon ubuu ao nanou ni kani ibuobuoki e a bitaki nakon te kua ae korakora iaan te kabuebue.
E baireia tinau bwa na motirawa teuana ao ni mooi imwain ae na manga okira te mwakuri, ma I kaota te aro ni mwengabuaka man tenaan riau are mai i nano.
“Dallin, akea raoi te kanuanga ibukin te anua ae tamaroa ngkai bwaai ni kabane n te maiu a rangi n tamaroa,” e taku. “Ukeran te anua ni maiu ni koaua ao te kanuanga raoi e roko ngkai e tamaroa nanom riki ngkana bwaai ni kabane a taraa ni kamangaongao .”
Teuana te wiiki imwiina, e tuangai tibu te unimwane ngkana I kona n kabira ana o ma te oera ae te Linseed arana. E ababaki riki ana o, ao tina riai ni kabiri ni kaua itera.
N te tai aei, I a kataua bwaN na kanakoraoa anuau e ngae ngkana e matoatoa te mwakuri. Ti moana ara mwakuri n te karangaina, ma n te tai ae aki maan, ti a tawaaki iaan te riringa. E tara n akea tokin te mwakuri ngke ti uoti bwaketi n oera aika a tinebu man kanimnim, ao ni boira. A teketeke waera n uteute aika a kateketeke ake a riki irarikin te o. Man uringan ana taeka tinau, e ngae n anne, I bon aki ngurengure. E aki bwara nanou. I mwakuri ma te taratara raoi ao ni kataia ni katamaroa anuau.
Ngke e a bane ara mwakuri, I taraa te o are e a tia ni kabiraki ao I kamoamoa inanou n ara mwakuri ae e a tia. I rangi ni kua ao n nimnim, ma I ataia bwa I bwaati naba n ukeran te anua ae kakawaki. I reiakinna bwa I konaa ni karekea te anua ae tamaroa e ngae ngkana a taraa ni kangaanga bwaai ni kabane.
Dallin H, Oklahoma,USA