Titiraki ao Kaekaia

Karaoan te toa n te mweenga e rangi n tamaroa. Bukin tera te Uea e tangiriira bwa ti na manga oki n nako n taromauri?”

Te rooroko n te taromauri e na anganira te korakora ao e kakorakora ara onimaki man te reitaki ma taan onimaki ae tabeman ao te kaai n nebonebo ma te koraki ake a keiaki naba bwa ana tiku ni kawain te berita ae tabu ao n riki bwa ana reirei Iesu aika a tamaroa riki.”

Beretitenti Dallin H. Oaks, Moan Kauntira n te Moan Beretitentii, Okitobwa. 2021 maungatabu ni kabuta (Riaona, Nobembwa 2021, 26).

Taraa Reirei ao Berita aika Tabu 59:9–10.

Kam na Katiteuanaaki

“E tangiria te Uea bwa ti na oki nakon te taromauri ibukina E tangiriira ti na kaan riki Nakoina. E tangiria naba bwa ti na ikotaki bwa taari ao mwaane. Man kawaran te taromauri, ti a katiteuanaaki, ni kaai n ibuobuoki imarenara, ao ni kaota Nakoina ara kakaitau ibukin bwaai ni kabane ake a E a tia ni karaoia ibukira. Ti bon kananoi riki ara onimaki ao n reiakin ana reirei aika a boou.”

Melanie M, 13., Mexico

Korakora rinanon taian Ware

Te toa n te mweenga e rangi n tamaroa ibukina bwa e uota te Tamnei nako nanon mwengara ao ni buokiira naba ni kauringira bwa ti bon riai ni uota te taromauri nako mwengara nakon are ti tii kabanea ara tai iai teuana te tai n te wiiki. E ngae n anne, te taromauri n te mweenga n taai tabetai e kona ni karekea nakoim ae ko namakina te tionako. Iroun temanna te taromauri e kakawaki bwa e karikirakea te korakora rinanon te ware.”

Nathan G., 15, Arizona, USA

Karikirakea te Irekereke n Iraorao

“Iai te tangira inanon tain te taromauri. N te taromauri, ko kona naba ni karikirakea te irekereke ma aomata ao ni kakabwaiaa maiuia temwangina ao ngke naba ko kakabwaiaaki. E kakawaki naba te taromauri bwa e karikirakea am ataibwai ibukin te Euangkerio. E tangiririira te Uea bwa ti na tibwaa te euangkerio nakoia ake irarikira ao ni katea Tion.”

Amelia W., 16, Utah, USA

Roko ibukiia Tabeman

“Ngke e moa ni waaki te aoraki, I rangi n raraoma bwa e na aki reke ara toa, ma imwiina ao te Bitiobi e tua bwa ti na karaoia ni mweengara! Aomata tabeman a bae ni iangoia tera bukina bwa ti riai n oki nakon te taromauri, ma n au iango ao ti riai n oki n taromauri bwa ti aonga ni kakukureia tabeman—ni maroro ao ni buoka temanna. Ti riai n taromauri bwa ti na anga te tangira ao ni tibwaa ara taneiai.”

Tamara M, 17., Mexico

Kabouii Berita aika a Tabu

“E tangiria te Atua bwa ti na oki nakon te taromauri ibukina bwa tiaki ni kabane ae a kona n karekea aia toa ni mwengaia. E tuangai tibuu te unimwane bwa, ngkai iai irou te nakoanibonga, I riai ni kakoaua bwa ni kabane aomata ana reke aia tai n toa. E kakawaki ae ti nako n taromauri bwa ti aonga ni kabouii ara berita aika a tabu.”

Esteban M., ana ririki 16, Argentina

Taian kaeka a katauaki ibukin te ibuobuoki ao te nonori, tiaki ibukin katanoataan ana reirei te Ekaretia.

Tera am iango?

I ongo aia maroro tabeman ibukin aia taneiai ma te tamnei. Tera ae I kona ni karaoia ngkana I namakinna bwa e aki reke irou anne?”

Kanakoa am kaeka ao tamneim imwain Okitobwa 15, 2022.

Emeeri nakoira n [e-mail]. Ke nakon ftsoy.ChurchofJesusChrist.org ao taona “Submit Your Work.” Kariniko n am Akaunti n te Ekaretia ao imwiina rinea “For the Strength of Youth” i aan “Choose Magaine.” Taona “Add File” n rinea am file ao tamnei, ao mwiina taona “Submit” ni karina ao kanakoa nakoira am file.

Kaeka a kona n rinanoaki ibukin abwakiia ke te kamatata.