Maton Aan te Kateitei

Roronrikirake ni boong aika kaitira, a katea maiuia iaon te Bwaa are Iesu Kristo (taraa Ereman 5:12).

Kangangan te Mwaingiing

A rangi ni mwamwainging au utu n ai tai n rikirake. Kamwengaraoam n taabo aika a boou e bon rangi ni matoatoa, I tangira te tabo are ti maeka ngkoa iai, n au moan ririki n te kauarinan. A bane ni bitaki bwaai, ngke mate tibuu te unimwane a baireia au karo bwa ana mwaing ni kaania ma tibuu te unaine. I maaka te mwaing riki. I a tia ni mwakuri korakora bwa n na rekereke n au reirei ao ni karekeia raraou.

I rikirake n un ao ni kauntaeka ma au karo ibukin mwaingira. A kaungaai au karo bwa N na tataroakinna. I kataia ma akea te kaeka ae reke. E ngae ngke e un nanou, I iangoia bwa N na tataro teuana riki te tai. Imwain ae I waaki, I ongo te bwanaa ae e itiaki n au iango, “Rachel, ko aki karekea te kaeka ibukina bwa e aki tangiria nanom.” I rangi n mimi. Imwiin tabeua te tai, I moana au tataro ae kaokoro. I anga nanou nakon Tamau are Karawa ao ni butia bwa tera ae tangirai bwa N na karaoia.

Te namakin are I karekea a na bon riai ni mwaing au utu. I namakina te rau, imwiin au nanorinano ao ni kariaia are e tangiria Tamara i Karawa. E aki kona ni bebete n taainako, ma I ataia ti mena n te tabo are e tangiria te Uea bwa ti na mena iai. Te bwai ae riki aei, e buokai ni kaaniai nakon au Tia Kamaiu ao n riki bwa te aomata are e tangiria bwa na riki iai.

Racheal H., Washington, USA