“Iai tian ae I kona ni raira n nano?,” Ibukin Kakorakoraia Kairake, Tebetembwa. 2022.
Nakon Raoi te Iango
Iai tian ae I kona ni raira n nano iai?
Ngkana e bon koaua nanom n raira n nano, e karekea te un ngkana ko a manga karaoa naba te bure. Ma ibukin ana Mwakuri ni kamaiu Iesu Kristo ae akea tiana, ana nanoanga te Atua ao ana akoi akea tiana, ko bon konaa ni manga raira nanom ao ni itiaki. Uringnga bwa “te rairannano bon tiaki te waaki ae riki inanon te tai; ”te waaki ae reitinako” ao ngkana “ti rineia bwa ti na raira nanora, … ti rineia ni … karekea te kukurei.”1
Te rairannano e tauraoi ni tainako, e ngae ngkana ko a tia ni manga karaoa te kairua. E taku te Uea, “Ao na kabwarai aia bure au botanaomata n aron katoa tain aia rarannano ibukin aia bure nakoiu” (Motiaea 26:30). Riiki bwa temanna “Ana aomata,” ao okira te Uea n te tai are ko raroanako iai mairouna. Irarikin anne, maroro naba ma am karo ao am bitiobi. A kona ni kakorakorako aia ibuobuoki ao aia boutoka.
Ngkana ko rawawata ni kan tokanikai iaon te bure, tai bwara n nano. E bae n tangirko Tatan bwa ko na kakoaua bwa ngke bon te kabwaka ke e a tia n nako am tai ni karaoan te mwakuri bwa e rang bati am tai ae a kaman reke. Ma e aki koaua anne. Teimatoa kataia. E butimwaai n taainako nano aika a uruaki n te rairannano te Uea.