“Ekkeijel ippān,” N̄an Kōkajoorļo̧k Jodikdik ro, Jept. 2022.
Ekkeijel
Lindsey B.
15, Kentucky, USA
Pija jān Christina Smith
15 aō iiō, im n̄aij kūlaaj 10 ilo high school. Ij ikkure jilu ikkure ko: basketball, volleyball, im ākiu. Aolpen mour eo aō ej kin ikkure im baam̧le.
Ilo iien COVID, kōn men ko jejaje kōn iiō in jikuuļ in, ij aikuj in kar lōke bwe Irooj ejeļā ta eo em̧m̧an n̄an aolep. Jikuuļ eo aō ekar bar roolļo̧k n̄an jikin jikuuļ, eo ekar lukkuun em̧m̧an n̄an n̄a, kōnke ijjab juon eo ejeļā katak inamōj in jikuuļ.
Ilo jikuuļ eo aō ewōr wōt jilu ro uwaan Kabun̄ in. Ebwe an pen ilo aer jab pād ilo kūlaaj ko ij pād ie ak kūlaaj eo aō. Ak men̄e elōn̄ iaan ro m̧ōtta rej jab uwaan Armej ro Rekwojarjar ilo Raan Ko Āliktata, imaron̄ loe ro jet im rej ļoor jon̄ok ko rem̧m̧an. Ej jipan̄ eō bwe in jab pād ipelaakin armej ro remaron̄ bōk laļ tak n̄a.
N̄an “Ron̄jake E,” em̧m̧an ippa bōk aō iien make iaō im kapukōt jeje ko rekwojarjar kōn melijon̄ ko aō. Kōm̧m̧ane men in ejipan̄ eō jeļā ta eo Irooj ekōņaan bwe in kōm̧m̧ane jabdewōt iien im n̄an ļōmņak kōn ta eo emaron̄ kar kōm̧m̧ane.