Pedped ko Reppen

Jodikdik ro ilo Raan Ko Āliktata, kalōk mour ko aer ilo Deka in Jisōs Kraist (lale Hilamōn 5:12).

Jon̄ok eo Em̧ool

jiron̄ eo ilo jikuul

Kōmeļeļe ko jān Katie Payne

Ilo jikuuļ, rūkaki in chemistry eo ekar kōņaan lelōn̄tak m̧ool ilo kūlaaj eo an. Ekar ba n̄an kōm bwe jenaaj etale make teej ko ad im make riboote jon̄an eo jej tōpare. Ke ikar etale uwaak ko aō, ikar lukkuun ikdeleel n̄an kobaik juon poin n̄an jon̄an eo itōpare. Ikar aikuji wōt bar juon poin bwe in pāje teej eo. Ikar jijjōt jidik, ļōmņak ta eo imaron̄ kōm̧m̧ane.

Ke ikar jijjōt ijo im ļōmņak, ikar kaju keememej juon kout jān Būreejtōn Gordon B. Hinckley (1910-2008) keikar likuti ilo itulikin ID eo aō: “Ta juon menin kakkure eo im ej kinriab jidik. … Juon jikin jerbal emaron̄ jutak kōn jako in jāān, ak juon armej ejjab maron̄ jutak kōn jako in kautiej e make” (“I Believe,” Ensign, Aug. 1992, 5). Im̧win kout in ekar jantōj eo: “N̄e Rilo̧mo̧o̧r eo ekar jutak itūru, in kar ke kōm̧m̧ane men ko ij kōm̧m̧ani?”

Ikar en̄jake aeņōm̧m̧an im m̧ōņōņō ke ikar jeļā ta eo ij aikuj kōm̧m̧ane. Ikar jab ukōte jon̄an poin eo ilikjab kake, ak ijelā bwe ikar pāje teej eo eļapļo̧k an aorōk—teej eo m̧ool—im ikar lukkuun m̧ōņōņō kōn kāālet eo ikar kōm̧m̧ane.

Natalie A., Philippines