Pedped ko Reppen

Jodikdik ro ilo Raan-Kein Āliktata, kalōk mour ko aer ilo Ejm̧aan anJisōs Kraist (lale Hilamōn 5:12).

Juon Māllijon̄ in Mwil

Kōmeļeļe jān Katie Payne

Ekar jab men eo in ekar kōņaan. Ikar kōnaan jipan̄ kakōm̧anm̧anļo̧k oror eo an leļļap eo jibū kōn linseed oil n̄an jipan̄ kōjpāroke. Ako ilo an raan eo aetokļo̧k, menokadu ekar jino toor ilo meja im aō kōņaan ekar oktak n̄an mōk ilo bwil eo.

Jinō ekar rōjan̄ n̄an kakije im daak m̧okta jān aō bar rool n̄an jerbal, ak ikar jab kōņaan, ilo ao likit wōt ke illukun m̧ōk.

“Dallin, ejelo̧k kein nebar n̄an m̧wil ko rem̧m̧an n̄e aolep men ilo mour in rej lukkun em̧m̧an,” ekar ba. “Lukkuun m̧ool in māllijon̄ in m̧wil im m̧ool in nebar eo ej itok n̄e em̧m̧an m̧wilim men̄e aolep men renana.”

Juon wiik tokālik, jim̧m̧a ekar kajjitōk ippa eļan̄n̄e imaron̄ kōm̧m̧ane oror eo an kōn linseed oil. Oror eo an ekar lukkuun aitok, im jej aikuj in kar kōm̧m̧an jait ko ruo.

Iien in, ikar kajjieon̄ n̄an jerbale m̧wilō men̄e jerbal eo ekar pen. Ekar m̧ōkaj ad jinoe, ak ejjab to, kom̧ kar jino bwil jen det eo. Jerbal eo āinwōt ekar ejjeļo̧k jemļo̧kin ilo am kar kotakki bōkaj in oil ko enana bwier, im edāpdāp. Mar ko rekan̄kan̄ tōrerein oror eo rekar dipej neem. Ilo aō keememej ta eo m̧am̧a ekar ba, men̄e, ijjab aikuj ellotaan. Ikar jab ebweer. Ikar kakōm̧anm̧an aō jerbal im kajjieon̄ n̄an dāpij juon m̧wil em̧m̧an.

Ke ekar m̧ōj, ikar kalimjōk oror kāāl ieo m en̄jake m̧ōņōņō kōn ta eo jekar kōm̧m̧ane. Ikar m̧ōk im edāpdāp, ak ijeļā iaar pāje mallijon̄ in kadkad eo aorōk. Ikar ekkatak bwe emaron̄em̧m̧an kadkadū men̄e āinwōt aolep men renana.

Dallin H., Oklahoma, USA