“Kōm̧m̧ane kwojkwoj eo ilo m̧weeo ekar lukkuun em̧m̧an. Etke Irooj ekar kōņaan bwe jān jepļaak n̄an m̧ōnjar?,” N̄an Kōkajoorļo̧k Jodikdik ro, Jept. 2022.
Kajjitōk koim Uwaak ko
“Kōm̧m̧ane kwojkwoj eo ilo m̧weeo ekar lukkuun em̧m̧an. Etke Irooj ekar kōņaan bwe jān jepļaak n̄an m̧ōnjar?
N̄an Juon Wōt
“Irooj ekōņaan bwe jān ro̧o̧l n̄an m̧ōnjar kōnke E kōņaan bwe kōj jān epaakeļo̧k E. Ej bārāinwōt kōņaan bwe jen juon wōt āinwōt būratōr im sister ro. Ilo ad etal n̄an jar, jej erom̧ juon wōt, jipan̄ doon, im kwaļo̧k n̄an E ad kam̧m̧oolol kōn aolep men ko E ekar kōm̧m̧ani n̄an kōj. Jej barāinwōt kōkajoorļo̧k tōmak ko ad im ekkatak katak ko rekāāl.”
Melanie M., 13, Mexico
Kajoor ilo Nōm̧ba ko
“Kwojkwoj ilo m̧weeo ekar lukkuun em̧m̧an kōnke ekar boktok Jetōb n̄an lowaan m̧em̧om im ekar jipan̄ kōm kile bwe jej aikuj boktok jar n̄an lowaan m̧weeo ijeļo̧kkn ad pepe wōt ioon juon alen ilo juon wiik. Bōtaab, jet iien jar ilo m̧ōko emaron̄ kōm̧m̧an bwe kwon en̄jake am̧ make iaam. Etal n̄an jar eaorōk kōnke ej kwaļo̧k kajoor kōn nōm̧ba ko.”
Nathan G., 15, Arizona, USA
Kalōk Jem̧jerā ko
“Ilo im̧ōn jar eo ewōr juon mejatoto in iakwe. Ijōņ, komaron̄ kalōk jemjerā ko im kōjeraam̧m̧an mour ko an ro jet ippām im ilo ejja wōt iien ņe kwoj jeraam̧m̧an. Jar ej barāinwōt kalōk jeļāļo̧kjeņ eo am kōn gospel in. Irooj ekōnaan bwe jān kwaļo̧k kōn gospel eo n̄an ro ipelaakid im kalōk Zaion.”
Amelia W., 16, Utah, USA
Pād Im Jipan̄ Ro Jet.
“Ke nan̄inmej eo ekar jinoe, ikar inepata bwe jeban kar maron̄ bōke kwojkwoj eo, ak bisop ekar kōtļo̧k bwe jān bōke ilo m̧weeo! Jet armej rej ļōmņak etke jej aikuj ro̧o̧l n̄an im̧ōn jar, ak ij ļōmņak jej aikuj ro̧o̧l ļo̧k n̄an kōļapļo̧k kōmeramļo̧k ro jet—n̄an kōņaan ak n̄an jipan̄ ro jet. Jej aikuj etal n̄an m̧ōnjar n̄an lelo̧k ad iakwe im kwalo̧k ad en̄jake.”
Tamara M., 17, Mexico
Kōkāāl Bujen ko
“Irooj ekōņaan bwe jān ro̧o̧l n̄an im̧ōn jar kōnke E ejjab aolep rekar maron̄ bōke kwojkwoj ilo m̧ōko im̧weer. Jim̧m̧a ekar ba n̄an n̄a bwe, āinwōt juon eo ej kabwijer priesthood eo, ij aikuj kōm̧m̧an bwe aolep ren bōk iien in em̧m̧an. Aorōk bwe jen etal n̄an jar bwe jān aolep kōkāāl bujen ko ad.”
Esteban M., 16, Argentina