Pedped ko Reppen

Jodikdik ro ilo Raan-Kein Āliktata, rej kalōk mour ko aer ilo Ejm̧aan eo an Jisōs Kraist (lale Hilamōn 5:12).

Jorrāān ko rej Waļo̧k Jān Em̧m̧akūt n̄an Jikin ko Rekāāl

Baam̧le eo aō emakijkij aer em̧m̧akūt ke ikar rittoļo̧k. Kajeon n̄an imenene kin juon jikin ekāāl ekar ben, ak kar iien eo ikar kilaaj ruatimjuon, ilukkuun kar iakwe ijo kim ekar jo̧kwe ie. Aolep men rekar oktak, aaet, iien eo jimma ekar mej im mama im baba rekar kāālet n̄an em̧m̧akūt n̄an epaakeļo̧k bubu. Ikar m̧akoko in em̧m̧akūt bar juon alen. Ikar lukkuun kate eō kobaļo̧k ilo jikuuļ im kōm̧m̧an mōtta.

Ikar jino inepata im akweel ippān mama im baba kōn am emakūt. Mama im baba rekar rōjan̄ n̄a n̄an jar kake. Ikar kajjieon̄ ak kar jab bōk jabdewōt uwaak ko. Ilo aō kar kajekdoon aō illu, ikar kāālet n̄an jar bar juon alen. Mokta jān aō jinoe, ikar ron̄ juon anikien alikkar ilo kōļmenļo̧kjeņ eo aō ej ba, “Rachel, kwoj jab bōk juon uwaak kōnke kwōj jab kōņaan” Eaar ļo̧kjenaō. Ālkin jet iien, ekar oktak aō jar. Ikar kamaat aolepen būruō n̄an Jemedwōj Ilan̄ im kajjitōk kōn ta eo E kōņaan bwe in kōm̧m̧ane.

En̄jake eo ikar bōke ej ba baamle eo aō ej aikuj emakūt. Ālikin aō kōttaik iō im bōke ta eo Jemedwōj Ilan̄ ekōņaan, ikar en̄jake aenōm̧m̧an. Ekar jab pidodo, ak ijeļā jej pād ijo Irooj aikuj bwe kōm̧in pād ie. En̄jake in ekar jipan̄ iō epaakelo̧k aō Rilo̧mo̧o̧r im em̧m̧akūt epaakeļo̧k n̄an erom̧ armej eo E aikuj bwe in erom̧.

Rachel H., Washington, USA