“Ta eo Em̧m̧an ippān Ark n̄an Ekkatak,” N̄an Kōkajoorļo̧k Jodikdik ro, Jept. 2022.
Ta eo Em̧m̧an ippān Ark n̄an Ekkatak
Laļ kāāl, m̧anit kāāl, m̧ōttā kāāl … ejjeļo̧k inepata!
Pija jān Clayton Chan
Ark enno ippān m̧ōn̄ā ko rebwil. Menin ekar juon men ekāāl n̄an e. Ilo Philippines, ijo ekar rūttoļo̧k ie, m̧ōn̄ā ko kar dikļo̧k aer bwil.
Innām jemen ekar bōk juon jerbal ilo Malaysia.
Ilo tōre eo, Ark ekar ioonne jet ro m̧ōttan ilo jikin jar,ro rej itok jān aolep jikin ko, ekoba jejjo̧ jān India.
“Rej m̧ōn̄ā m̧ōn̄ā ko relukkuun bwil!” Ark C., age 14, ej ba kōn ro m̧ōttan rekāāl. “Mōn̄ā in elukkuun bwil jān ta eo imminene kake ilo ijo jikū.”
Juon men ekōjak, aaet, Ark ekar jaje ta eo ekar likjab jene. Kiiō elukkuun tok limoin edjon̄i m̧ōn̄ā ko rekāāl
Aaet ejjab wāween eo de in ajri ro m̧ōttan Ark ilo im̧ōn jar eo rekar maron̄in ukōte mour eo an n̄an em̧m̧anļo̧k. “Ikar m̧ōņōņō in em̧akūt n̄an Malaysia, ak būromōj ilo ejja iien eo wōt. Aolep ro m̧ōtta rekar ro rekāāl, im elukkuun pen kōnaan ippān jet ro m̧ōttda rekāāl.
Ak jodikdik ro ilo branch eo an rekar jipan̄ e ilo kōm̧m̧ane oktak in. Āinwōt juon boņōj, ejeļā eļapļo̧k kōn kajjojo jikin ko reoktak. “Ikar ekkatak kōn m̧anit ko reoktak,” ekar ba. “Mōn̄ā ko reoktak, im barāinwōt nuknuk ko. Nuknuk ko aer elōn̄ kōļar i er, im elukkuun kalimomo wāween aer kōm̧m̧ani!”
Ekar wōr juon kurup in ro m̧ōtta im kar, ilo m̧ool, kōm̧m̧an bwe en wōnmaanļo̧k eļap jān ro jet ilo iien im ālkin em̧akūt eo: baam̧le eo an.
Ikkure ippān ro Mōtta
Ark ej itok limo in bōk an iien ippān baam̧le eo an, eļaptata n̄e rej ikkure kaaj ko. Ikkure eo Uno em̧m̧an tata ippān. Un eo? “Aolep iien ij wiin,” ekar ba ilo anettōn̄.
Ej barāinwōt em̧m̧an ippān ikkure eo Monopolyn ippān jinen im jemen im laddik eo jatin, Leaf. (Leddik eo jatin ejan̄in lukkuun rūttoļo̧k n̄an an kobaļo̧k.) Ewōr men ko eļap aer waļo̧k ilo ikkure kein, ijelokin aer, jekri im kōjerbali riab in jāān ko. “Mam̧a im baba rej katakin eō wāween kōjerbal jāān im ekkatak ko kōn jāān ilo ikkure ko. Ej rōjan̄ ko relukkuun nej jipan̄ ilju im jeklaj.”
Jemān ej juon eo ej kōm̧m̧an software, im jinen ekar lōn̄ an make pejnij ilo Philippines. Ewōr elōn̄ kapeel ko n̄an lelaļlok. Jen ijjo epād ie, Ark ej ikdeleel in ekkatak aolep men emaron̄e jān er. Elōn̄ an pepe ko reļļap n̄an ta eo ekōņaan kōm̧m̧ane.
Kūlaaj ko rem̧m̧an ippān ilo jikuuļ ej biotech im engineering. Ark ekōņaan erom̧ juon biotechnician Kōn reimaanļo̧k eo an eutiej. ej bōk aolep iien ko emaron̄e n̄an ekkatak juon men ekāāl.
Ekkatak jān jinen im jemān, aaet, ekar jab kein jipan̄ eo wōt ekōņaan aolep iien n̄an bōk jeļāļo̧kjeņ. Āinwōt iakwe eo an n̄an m̧ōn̄ā ko rebwil, ekar loe aorōk in kein jipan̄ ko rekar tokālik ilo mour eo an.
Jān Uteij Bōo n̄an Rijikuuļ
“Ekar lukkuun juon eo ekiplia,” Ark ej kwaļo̧k . “Ikar jab lukkuun kea kōn ekkatak jān jinō im jema.”
Ekar kajjieon̄ etal ippān make n̄an ekkatak jān ro m̧ōttan im rūkaki ro an ilo jikuuļ wōt. Innām ekar ritti juon men ilo Bok in Mormon eo ekar kōm̧m̧ane juon oktak eļap ilo wāween an kalimjōk men ko.
Ilo Alma jebta 36 im 37, Alma ej leļo̧k naan in rōjan̄ n̄an ļaddik eo nejin Hilamōn. Alma ej katakin Hilamōn kōn aolep men, jān bwebwenato in oktak eo an Alma make (eo ekar koba jilu raanin an jab emenono ālkin an engeļ eo ba n̄an e ke ejjab kōm̧m̧ani kāālet ko rem̧m̧an [lale Alma 36:6–10]) n̄an kauwōtata ko an men ko retiņo̧.
Ilo io̧lap in aolepen men ko wōj, juon eoon ilo peij eo ekar kailibōk Ark: “O, kwōn keememej, nejū m̧aan, im katak mālōtlōt ilo am̧ em̧m̧an ded; aaet, ekkatak ilo am̧ em̧m̧an ded n̄an kōjparok kien ko an Anij” (Alma 37:35).
Juon men ej waļo̧k ilo kōlmenļo̧kjeņ eo an Ark kōn naan ko. “Jinō im jema remaron̄ katakin n̄a mālōtlōt barāinwōt,” ekar ba. Aolepen tōre eo ilo juon wot iien ekar kile bwe ewōr aolepen meļeļe ko rem̧m̧an imaan mejen. “Kiiō ij kea eļapļo̧k kōn mālōtlōt eo aer. Rej iakwe n̄a im remaron̄ jipan̄ n̄a keppopo n̄an jilu im jeklaj eo aō.”
Im mālōtlōt eo aer eļapļo̧k jān naan in rōjan̄ ko kijien pejnij ko kwaļo̧ki ilo iien ikkure ko.
Mālōtlōt eo an Mam̧a im Baba
Juon ekkatak eaorōk jān jinen im jemān Ark kar katakin ej n̄an jab kōtļo̧k bwe im̧we ko renana ipelaakin ren katūbo̧k e. “Ije ilo jikuul e aō, elon̄ iaan ajri ro rekōņaan bwe in kajeon kobe, tii, jika, im ko jet.”
Menin ej juon unin kōnono ekka ad kōnaan kake ilo m̧weo. “Elon̄ kōnono ko ij kōņono kaki ippān jinō im jema kōn men in. Rej aliji elon̄ kōttan ta ko rej ba,” ej kōm̧m̧an kōjak
Aaet, elap tokjen aer elji ta ko rej ba. Kajjojo iien rej kajjitōk n̄an kōm̧m̧ane juon meninj jum̧ae tōmak eo an, Ark ej bōk kajoor jān ta eo jinen im jemen rekar katakin.
Juon ekkatak ekar bōke ilo būruwōn ej wāween an nuknuk. Ejjab, Ark ekkar jab aikuji rōnjan̄ kōn jitail jān jinen im jemen n̄an maron̄ ein ro jetilo jikuuļ eo an. Aaet ilo m̧ool, ekar em̧m̧an an kōm̧m̧ane men in ilo ra jab in. “Ij kijoor nuknuk rōt ka me relukkun kipeel,” Ark ekar ba. “Ikar kajjieon̄ in kam̧ōņōņō leddik ro.”
Ro jinen im jemen rekar jipan̄e loe, aaet, ewōr barāinwōt jet jorrāān rej kar jab waļo̧k kōn nuknuk rōt ko. “Nuknuk ko jej kōņaki remaron̄ im̧we lōm̧nak an armej ro jet kōn kwe,” Ark ekar kōmeļeļeiki. Ilo an lukkuun etale, Ark ekar kile bwe ekar jab em̧m̧an ippān ilo an armej ōōm̧nak kake e kōn wāween an kar nuknuk m̧okta.
Kiiō ej kāālet bwe en ļapļo̧k karbōb im, erreo—ak, wāween eo em̧m̧an ippān ņae etaer, “nerdy”—nuknuk ko. Em̧m̧an ippān paaktokin eo ekāāl im em̧m̧anļo̧k an en̄jake ilo jetōb kōn wāween an nuknuk. (Kabke, Ark, nerds relukkun kipeel! Juon m̧ool kwoban kariab e.
Ekkatak Aolepen Mour in
Ark ej iakwe ijo ej jokwe ie, ej iakwe baam̧le eo an, im ej iakwe ekkatak jān jinen im jemen.
Ej barāinwōt iakwe ekkatak kōn gospel eo.
“Ij tōmak bwe Jisōs Kraist ej mour,” Ark ej ba. “Ij tōmak rikanaan eo ad emour ej Būreejtōn Russell M. Nelson im ilo Josep Smith, Jisōs Kraist ekar kōjepļaaktok Kabun̄ eo An. Ij tōmak gospel in emaron̄ jipan̄ kōj ilo mour ko ad im ilo jabdewōt apan̄ im mālijjon̄ ko jej en̄jaki.”
Jekdoon ta men ko rem̧m̧an Ark enaaj ekkatak ilju im jeklaj, emōj an ekkatak jet iaan men ko raorōktata . Tūrin ijo ilōn̄ me elaajrak ilo menin ej: bok iien ippān baam̧le eo aō ej kobaitok spice n̄an mour!