“Ewōr ke juon jon̄ak in emakijkij in aō ukweļo̧k?,” N̄an Kōkajoorļo̧k Jodrikdrik ro, Jept. 2022.
N̄an juon Jon̄ak
Ewōr ke juon jon̄ak in emakijkij in aō ukweļo̧k?
N̄e kwōj lukkuun ikdeleel n̄an ukweļo̧k, elukkuun nej kalulu n̄e kobar jidiļo̧k. Ak kōnke Pinmuur eo an Jisōs Kraist ejjeļo̧k jem̧ļo̧kin, tūriam̧o eo an Anij im jouj rej indeeo, im komaron̄ ukweļo̧k wōt im bar erreeo. Keememej bwe “ukweļo̧k ejjab juon m̧akūtkūt, ej juon wāween jerbal.” im bwe “n̄e jej kāālet n̄an ukweļo̧k, … jej kāālet n̄an … bōk m̧ōņōņō.”1
Ukweļo̧k aolep iien epeļo̧k, men̄e jekar kōm̧m̧ane ejja bōd eo wōt. Irooj ekar ba, “Jon̄an emmakijkij in wōt an armej ro aō ukeļo̧k Inaaj jeorļo̧k aer bōd im bōd ko aer ņae Eō.” (Mosaia 26:30). Erōm juon iaan “armej ro An,” im roollo̧k n̄an Irooj jabdewōt iien kwōjjabwābwe. Barāinwōt, kōnono ippān am̧a im baba im bisop eo am. Jipan̄ im juraake eo aer emaron̄ kōkajoor kwe.
N̄e kwōj apan̄ ilo am anjo̧ jān juon jerawiwi, jab ebweer. Setan emaron̄ kōņaan bwe kwon tōmake bwe kojabwābwe ak emōj am bōki aolep iien ko kar lewaj n̄an eok. Ak ejjab m̧ool. Kajjieon̄ wōt. Aolep iien Irooj ej karuwainene būruen ukweļo̧k ko.