Jipan̄ Mour

Pukotļo̧k im Kapukōt Men eo Em̧m̧an

Jān Elder Patrick Kearon

Jān Būreejtōnji eo an Jiljilimjuonn̄oul

Kōj aolep jooktak, kōj aolep nejin Anij, im menin aiboojoj!

Pija ko jān Getty Image ko

Ļōmņake ļo̧k juon laļ eo me kajjojo jin̄a ko kar uno kōn kōļar būlu wōt, aolep m̧ōn̄ā juon wōt lemeer, im aolep al juon wōt kain kōjan̄jan̄. Ijaje kōn kwe, ak ilo aō ļōmņak enaaj kar lukkuun mej!

Oktak ilo jin̄a, lemen, im kōjan̄jan̄ ekōm̧m̧an bwe en kaitoktok limo laļin im aiboojoj. Ilo ejja wāween in wōt, armej ewōr m̧wil ko rej itok jāni, tōmak, paaktokier, rej itok jān ia, riia, im en̄jake ko rej kōm̧m̧an bwe laļ in en em̧m̧an.

Jān ke ikar dik, ikar jokwe ilo Arabia, juon lal eļap kōn Islam, ilo elōn̄ iiō ko. Ilo jidik in iien ņe, ikar pād ilo juon jikuuļ ilo England. Ilo jikin kein jimōr , Arabia im England, ikar ioone elōn̄ kain armej ro reoktak jen doon. Ilo kar jinoin emaron̄ kar pen pād ibwilijin bujin kain armej ro rejjab āinwōt n̄a. Ak jidik kōn jidik, ikar ekkatak jān en̄jake bwe el­n̄ oktak ko rem̧m̧an, aaet im aiboojoj. Mour eo aō emoj an m̧weie eļap jān jon̄an ilo aō leiaia ippān armej ro oktak m̧anit im tōmak ko aer jen elōn̄ laļ ko.

Armej ro ewōr kadkadier ko rej itok jāni, tōmak, paaktokier, ia ko rej itok jeni, m̧anit ko, im en̄jake ko im rej kōm̧m̧an bwe laļin en juon eo em̧m̧an.

En̄in ej jet men ko ikar ekkatak im remaron̄ jipan̄ kwe kauteij im meļeļe kōn ro reoktak jān kwe.

Pukōt Men eo Em̧m̧an

Jet iien em̧m̧an eo ilo armej eban kaju waļo̧k, ak elukkun kabūlon̄lon̄ wewein ad kapukōt em̧m̧an n̄e jej pukōte kōn iakwe im tūriam̧o. Ilo am kōm̧m̧ane, būruōm̧ enaaj peļļo̧k n̄an ekkatak jān ro jet.

Emaron̄ jipan̄ n̄an keememej bwe armej remaron̄ jerbal ilo wāween ko kwoj jab meļeļe kake kōnke rekar ioon metak ilo wāween ko. Etin aolep rej en̄jake joreen ak rej en̄taan kōn juon men. Bōlen komaron̄ en̄jake wāween in barāinwōt. N̄e kwoj meļeļe menin, emaron̄ pidodo n̄an kapukōt em̧m̧an eo ilo ro jet kōnke komaron̄ em̧m̧anlo̧k am meļeļe etke armej rej āinwōt wāween ko rej pād ie. Innām kwoj maron̄ kapukōt wāween ko n̄an jipan̄ im kōjeraam̧m̧an er.

Wujlepļo̧k Am̧ n̄an Ron̄jake

Iaļ eo n̄an kauteij im meļeļe ej jino kōn ron̄jake—lukkuun ron̄jake—n̄an ro jet. Āinwōt ro uwaan Kabun̄ in an Jisōs Kraist im Armej ro Rekwojajar ilo Raan-Ko Āliktata, ekkā ad m̧ōkaj in kwaļo̧k gospel eo, im menin ej juon men em̧m̧an! Aaet, gospel eo an Jisōs Kraist ej menin letok eo eļap an aiboojoj im jemaron̄ in kwaļo̧ke. Ak jet iien jej kwaļo̧k tōmak ko ad n̄an ro jet m̧okta jān ad meļeļe jabdewōt kain kake er. Jej aikuj waanmaanļo̧k n̄an ron̄jake ro jet im ekkatak jān er. Jej aikuj kōlaplo̧k meļeļe ko ad kōn—im m̧ōņōņō kōn—aolep ro jej iooni.

Kapukōt Juon Wōt Pedped in kolmenlokijen

Ilo juon loļo̧k n̄an Arabian Gulf eo, ikar ioone elōn̄ armej ro relukkuun oktak jān n̄a. Ak ilo aō jino jelā kajeer, ikar loe bwe tōmak ko am kar jab lukkuun oktak jen doon. Ikar bulōn̄ kōn men ko āinwōt juon wōt ippem.

Juon men ikar loe km ekar jim̧or erreeo kake ej ikdeleel eo n̄an jipan̄ ro ejjeļo̧k jikier ak metak kōn boktak ko. Kapukōt nan erre kin menin ekar lukkuun ļap. Ikar m̧ōņōņō ilo menin im en̄jake eļap iakwe n̄an armej ro ikar iooni.

Ālkin am loe juon wōt pedped in lomņak ko am, jekar maron̄ kōnono kōn oktak ko am, barāinwōt aorōk ko kōm ej jutak pen kaki, kōn juon ikdeleel em̧m̧an ilo am ekkatak jān doon. En̄jake in ej kakeememej n̄abwe armej ro rem̧m̧an aolep jikin rej kajjieon̄ n̄an kom̧m̧an em̧m̧an ekkar n̄an tōmak ko aer.

Kwōn Lale

Juon wāween n̄an kōnono ippān ro jet ej n̄an lale im kapukōt jet wāween n̄an jinoe juon kōnono. N̄an waanjon̄ak, n̄e kwōj loe bwe juon armej em̧m̧an bajkōļ eo waan, ba, “Wow, em̧m̧an ippa bajkōļ ņe waam!” innām kajjitōk ippeer kake.

Kajjitōk ko repidodo āinwōt “Ejet aolep kain rainin?” emaron̄ jipan̄ eok jeļā kake bar juon. Komaron̄ en̄jake jidik jook ilo jinoin. Ej bōk kaminene, ak elimo ālkin jet kaminene ko .

Kwon Make Lale Nam̧ōj

Rilo̧mo̧o̧r eo ekar ioone elōn̄ armej ro jān m̧anit ko jet. Ekar barāinwōt etal ippān armej ro im ro jet rej erļo̧k jān er. Ekar etal jān kōņaan eo an Make n̄an lale ro renan̄inmej im ro emōj ellok jen er. E kar kōnaan ippāer, im E ekar kemour er.

N̄e jenaaj bōke wāween An kar kōm̧m̧an, laļin en kar juon jikin em̧m̧anļo̧k. Jipan̄ ro jet ilo wāween ko reļļap ak redik. Jilkinļo̧k juon enaan ejouj, ajeej m̧ōn̄ā ko, kobaik juon armej eo emōj kōjeņo̧ļo̧k jān ro jet. Kōm̧m̧an jouj rōt kein emaron̄ jipan̄ kwe iiaio ippān ro ipelaakum̧. Ilo ankabūlōn̄lōn̄, m̧akūtkūt kein rekōm̧m̧an bwe en barāinwōtem̧m̧anļo̧k ad mour.

Jab Jako

Kien eo eļap kein karuo ej n̄an “kwōn yokwe ri turuṃ im āinwōt kwe” (Matu 22:39). Keememej bwe kōj aolep jej ajri ro nejin Anij. Kelmenlokijen eo aō kōn laļin ej ļapļo̧k im ij ero juon eo em̧m̧anļo̧k ilo aō ioone ro jet— ro rutūrū—ro reoktak jān n̄a. Jab jako jen ta eo komaron̄ ekkatak jān ro jet.

N̄e kwoj etal im ekkatak iakwe im kauteij oktak ko an aolep ro ipelaakum̧, kwonaaj bwilōn̄ kōn ewi wāween an ebōl im aiboojoj laļin.