“Fesootai,” Mo le Malosi o le Autalavou, Set. 2022.
Fesootai
Lindsey B.
15, Kentucky, ISA
Ata na pueina e Christina Smith
E 15 o’u tausaga ma o lo’u tausa lona lua lenei i le aoga maualuga. Ou te taalo i taaloga e tolu: pasiketipolo, volipolo, ma le sofipolo. O lo‘u olaga atoa e matele i taaloga ma le aiga.
I le taimi o le KOVITI, faatasi ai ma le le mautonu o le tausaga aoga, sa tatau ai ona ou faatuatuaina e silafia e le Alii le mea e sili ona lelei mo tagata uma. Sa toe foi la‘u aoga i le lotoa, lea sa sili ona lelei mo a’u, aua e le o a‘u o se tagata aoao lelei i fafo mai le lotoa.
I la‘u aoga e na o le toatolu tagata o le Ekalesia. E fai si faigata ona e le o i ai i a‘u vasega taitasi po o la‘u vasega. Ae e tusa lava pe o le toatele o a‘u uo e le o ni Au Paia o Aso e Gata Ai, e mafai ona ou maua isi e i ai tulaga faatonuina lelei. E fesoasoani ou te faatasi ai ma tagata o le a le aumaia a‘u i lalo.
Ina ia “Faalogo ia te Ia,” ou te fiafia e faaalu se taimi na o a‘u ma tatalo ma sue mau e uiga i o’u faafitauli. O le faia o lenei mea e fesoasoani ou te iloa ai le mea e finagalo le Alii ou te faia i se tulaga ua tuuina mai ma mafaufau pe faapefea ona Ia tali mai.