“E i ai se tapulaa i le tele o taimi e mafai ai ona ou salamo?,” Mo le Malosi o le Autalavou, Sete. 2022.
Tuusao i le Mataupu
Pe o i ai se tapulaa i le tele o taimi e mafai ai ona ou salamo?
Pe a e manao moni lava e salamo, e mafai ona e le fiafia pe a e toe sese foi. Ae ona o le Togiola le iu a Iesu Keriso, o le alofa mutimutivale ma le alofa tunoa o le Atua e le iu, ma e mafai lava ona e salamo ma agavaa. Manatua o le “salamo e le o se mea e tupu; o se faagasologa” ma “pe a tatou filifili e salamo, … tatou te filifili e … maua le olioli.1
O loo avanoa pea le salamo, e tusa lava pe ua e toe faia foi lea lava mea sese e tasi. Sa fetalai mai le Alii,” “Ioe, ma o le tele o taimi e salamo ai loʼu nuu ‘Ou te faamagalo ai i latou ia latou solitulafono faasaga mai ia te aʼu” (Mosaea 26:30). Ia avea ma se tasi o “Lona nuu,” ma toe foi atu i le Alii i soo se taimi lava e te se ese ai. Ia talanoa foi i ou matua ma lou epikopo. O la latou fesoasoani ma le lagolago e mafai ona faamalosia ai oe.
Afai o loo e tauivi e faatoilalo se agasala, aua e te fiu. Atonu e manao Satani ia e talitonu o oe o se mafuaaga ua leiloa ai pe ua e maua uma avanoa o le a e maua. Ae e le moni. Ia taumafai pea. E talia lava e le Alii i taimi uma le salamo faamaoni.