Faavae Maumaututu

O talavou o le Au Paia o Aso e Gata Ai, o fausia o latou olaga i luga o le Papa o Iesu Keriso (tagai Helamana 5:12).

O le Faafitauli o le Siitia Ese

Sa tele ina fesiitai lo‘u aiga a o ou tuputupu ae. O le fetuunai i nofoaga fou sa faigata, ae e oo atu i lou tausaga muamua i le aoga maualuga, sa ou fiafia lava i le mea sa matou nonofo ai. E ui i lea, na suia mea uma, ina ua maliu lo‘u tamamatua ma sa filifili ou matua e faalatalata atili atu i lo’u tinamatua. Sa ou toe popole e toe siitia. Sa ou galue malosi ia auai i le aoga ma faia ni uo.

Sa amata ona ou ita ma finau ma ou matua e uiga i le siitia atu. Sa uunaia au e ou matua e tatalo e uiga i ai. Sa ou taumafai ae ou te lei mauaina ni tali. E ui lava i lo‘u le fiafia, ae sa ou filifili lava e toe tatalo tasi lava. Ae ou te lei amata, sa ou faalogoina se leo manino i lou mafaufau o faapea mai, “Rachel, e te le o mauaina se tali ona e te le manao i se leo e tasi.” Na faateia a’u. Ina ua mavae sina taimi, sa amata ona ou maua se lagona lelei. Sa sasaa atu lo‘u loto i le Tama Faalelagi ma fesili atu po o le a se mea na Ia manaomia a’u e fai.

O le lagona na ou maua o le manaomia ona siitia ese o lo‘u aiga. Ina ua uma ona faalotomaualaloina a’u lava ma taliaina le mea na finagalo ai le Tama Faalelagi, sa ou lagonaina le filemu. Sa le faigofie i taimi uma, ae sa ou iloa sa matou i ai i le mea sa finagalo le Alii matou te i ai. O lenei aafiaga na fesoasoani ia te a’u e faalatalata atili atu ai i lo‘u Faaola ma faalatalata atili atu ai i le avea ai ma tagata e finagalo o Ia ou te avea ai.

Rachel H., Uasigitone, ISA