Faavae Maumaututu

O talavou o le Au Paia o Aso e Gata Ai, o fausia o latou olaga i luga o le Papa o Iesu Keriso (tagai Helamana 5:12).

O Le Togi Faamaoni

tamaitai talavou i le aoga

Ata na tusia e Katie Payne

I le aoga, sa manao lo‘u faiaoga kemisi e faalauiloa atu le faamaoni i lana vasega. Sa ia ta’u mai ia i matou o le a matou siakiina a matou lava suega ma lipoti atu a matou lava togi. A o ou siakiina a‘u tali, sa faaosoosoina a’u e faaopoopo se maka se tasi i la‘u togi. Sa na ona ou manaomia o lena vaega faaopoopo e pasi ai le suega. Sa ou nofo ai iina mo sina taimi, ma mafaufau po o le a le mea e fai.

A o ou saofai ai iina ma mafaufau, sa faafuasei ona ou manatuaina se upusii mai ia Peresitene Gordon B. Hinckley (1910–2008) sa ou faapipiina i tua o lau kata e iloa ai: “Oka se le faamaoni o se mea faataumaoi. … Atonu e mafai e le faalapotopotoga ona taulimaina le leiloa o tupe, ae e le mafai e le tagata ona aveesea le faaaloalo o le tagata ia te ia lava” (“I Believe,” Ensign, Aug. 1992, 5). I lalo ifo o lena upusii o le fasifuaitau lea: “Afai e tu le Faaola i o‘u tafatafa, pe ou te faia ea mea ou te faia?”

Sa ou lagona le toafilemu ma le fiafia ina ua ou iloa le mea sa tatau ona ou faia. Ou te lei suia ou togi le manuia, ae sa ou iloaina sa ou pasia se suega e sili atu ona taua—o le suega o le faamaoni—ma sa ou mitamita i le filifiliga sa ou faia.

Natalie A., Filipaina