Vosa e na Vosa

Lako mai ki Vua

E sureti keda tiko na iVakabula me da vakataqara Vua na noda icolacola.

Droini mai vei Annie Henrie Nader

Maciu 11:28–30

28 Dou lako mai vei Au, koi kemudou kecega sa oca ka colata na icolacola bibi, ia ka’u na vakacegui kemudou.

29 Vakataqara vei kemudou na noqui vua, ka vuli vei Au; ni‘u sa yalomalua ka yalomalumalumu: dou na kunea kina na vakacegu ni yalomudou.

30 Ni sa rawarawa, na noqui vua ka mamada na noqui colacola.

Dou lako mai vei au

E rawa ni da lako mai vua na iVakabula e na noda vulica na Nona kosipeli, vakabauti Koya, veivutuni, vakayacora ka maroroya na veiyalayalati, ka muria na Nona ivakaraitaki.

oca … icolacola bibi

Na cakacaka vakayago kei na icolacola vakayago e rawa ni vakaocai keda, ka oka kina na vakasama, na lomada, kei na kena e vakayalo. Na iVakabula sa vakarautaka tu vei keda na Nona vakacegu, se cava ga na mataqali icolacola e da colata tiko.

ivua

Na ivua e dua na iyaya ka tauri rau vata e rua na manumanu me rawa ni rau dreta vata e dua na icolacola, me vaka e dua na siviyara se qiqidreti. Na ivua e dau tiko kina e dua na kau vakababa ka vakataqari e domodrau na manumanu, ka wasea vakatautauvata na bibi.

vuli

E rawa ni da vulici Jisu Karisito e na noda vulica na Nona ivakavuvuli kei na Nona ivakaraitaki—kei na noda tovolea me da muri ira.

vakacegu

Na vanua ni cegu ni iVakabula sa ikoya na Nona vakacegu, ka vakamaravutaka na noda vakasama kei na yaloda. E vukei keda o Koya me da ulabaleta na lomaleqa vakavuravura ka solia vei keda na igu vakayalo ni da vakila na malumalumu.

rawarawa … mamada

Na noda taura vei keda na ivua ni iVakabula sa kena ibalebale me da vauci keda ki Vua e na veiyalayalati. Sa kena ibalebale oya me da solia na utoda Vua kei na Nona cakacaka. Ni da vakayacora oqo, e vakilai ni mamada na noda icolacola baleta ni vukei keda tiko o Koya.