Taro kei na Kena iSau

“Meu na vukei ira vakacava na noqu itokani e ra malumalumu tu e na Lotu me vakaqaqacotaki na nodra ivakadinadina?”

“E sega ni rawarawa vei ira na saumaki vou, o ira na itokani e ra sa lesu mai, kei ira ka duatani na ivakarau ni nodra bula me ra sema mai vakatotolo. Na Turaga e kila vakavinaka na bolebole e ra sotava, ka vakasaqara tiko o Koya … e so e ra lomasoli me ra na agilosi ki na nodra bula na tani.”

Elder Carlos A. Godoy ena Vitusagavulu, Koniferedi raraba ni Okot. 2020 (Ensign se Liaona, Nove. 2020, 87).

Mo Vuni Veivakalougatataki vei Ira Tale E So

goneyalewa

“Niu tovolea meu vukea e dua na itokani me vakaqaqacotaka na nona ivakadinadina, au dau tovolea me‘u vakalougatataka ka veitokoni ki na nona bula. Au tovolea me’u ivakaraitaki ka vakaraitaka vua ni kosipeli i Karisito e rawa ni vakaqaqacotaka na nona veitokani kei na veimaliwai vakamatavuvale kevaka e saga me talairawarawa ka cakadodonu. Au taleitaka me’u vukei koya me vakila ni lomani.”

Selina O., 19, Bolivia

Dau Veisureti Tikoga

“E rawa ni o vakavulici ira na nomu itokani me baleta na loloma kei na loloma veivueti i Jisu Karisito kei na sala e rawa ni vukei ira kina o Koya. Sureti ira me ra lako i lotu ka tiko vata kei iko e na kalasi ni itabagone. Oqo e rawa ni vukei ira me ra tara cake e dua na ivakadinadina kaukauwa me baleti Jisu Karisito.”

Shara R., 12, Colombia

Mo Nodra iTokani Taumada

goneyalewa

“Au dau saga tu ga meu veiciqomi ka vakadeitaka me ra kila na noqu itokani ni’u vakasamataki ira tiko. Au kila niu rawa ni dua na rarama vei ira niu maroroya na neirau veitokani kei na veilomani. Au rawa ni sureti ira na noqu na itokani ki na itaviqaravi ni Lotu, ia taumada au dau nodra itokani dina. E ra na vakaqaqacotaka na nodra ivakadinadina o ira na nomu itokani ni ra raica na nomu ivakaraitaki ni loloma kei na veitokoni.”

Mia D., 19, Florida, Amerika

E na Vukei Iko o Karisito

“E rawa ni dredre ni ra tiko na noda itokani malumalumu vakalotu, ia au taleitaka meu sureti ira na noqu itokani ki na dua na itaviqaravi lasa ni itabagone se ki lotu ni dau soli meu vosa. Kevaka e ra taleitaka, au solia vei ira e dua na iVola i Momani vata kei na noqu ivakadinadina ka makataka na veitikina e talei vei au. Nanuma tiko, ni na vukei iko na Karisito e na ituvaki cava ga.”

Elizabeth B., 15, Florida, Amerika

Dau Yalovinaka Tikoga

cauravou

“Au a tarogi noqu qasenivuli ni semineri e na taro oqo. A kaya, “Mo dau yalovinaka tikoga, Jordan. O sa vakayacora tiko na ka dodonu.’ Taumada, au a nanuma, ‘Na yalovinaka tikoga e sega ni rauta.’ Ia au qai vakasamataka na noqu itokani ka gadreva tu na noqu veitokani kei na ivakaraitaki. A vukei au na Yalo meu yalovinaka ka kila na ka me’u tukuna. Ia oqo, sa vinakata o koya me papitaiso e na dua na siga!”

Jordan S., 17, Utah, Amerika

Na vei isau ni taro sa kena inaki me veivuke ka veivakararamataki, ka sega ni ivakaro vakadonui ni ivunau ni Lotu.

Na Cava na Nomu Nanuma?

“E rau dau veiba vakavuqa na noqu itubutubu. Na cava e rawa ni‘u cakava me’u tovolea me maroroya tikoga kina na Yalo e na neitou itikotiko?”

Vakauta mai na nomu isaunitaro kei na itaba ni bera na ika 15 ni Epereli, 2023.

Imeli mai e na [e-mail]. Se gole ki na ftsoy.ChurchofJesusChrist.org ka kilikitaka na “Submit Your Work.” Curu e na nomu Akaude ni Lotu ka digitaka na “For the Strength of the Youth” e na ruku ni “Choose Magazine.” Kilikitaka na “Add File” mo digitaka na nomu faile kei na itaba, ka qai kilikitaka na “Submit” mo vakavodoka ka vakauta mai na nomu faile.

E na rawa ni moici na nomuni itukutuku me baleta na kena balavu se kena matata.