Ki Utona

E ra dau veimau i lavo na noqu itokani. Au kila ni cala. Meu na vakamacalataka vakacava vei ira?

talevoni veikauyaki kei na app ni qito veimau i lavo

Na veimau i lavo e kena ibalebale na beti ilavo e na qito ni madigi se na kena caka na beti e na vakanananu me na rawati kina e dua na ka. “Na Lotu e saqata ka veivakasalataki me kakua na veimau i lavo e na sala cava ga. Oqo e oka kina na beti ni qito kei na lotari vakarautaki ni matanitu” (iVoladusidusi Raraba:Veiqaravi ena Lotu i Jisu Karisito ni Yalododonu Edaidai, 38.8.17, ChurchofJesusChrist.org).

E da levea na veimau i lavo me baleta e vica na ka. E sega walega ni vakaoti gauna kei na ilavo, ia e rawa talega ni vakacacana na bula ni tamata. E rawa ni yaco me vakaosota na vakasama, ka yaco me veivakatotoganitaki.

Me kena ikuri, na veimau i lavo e vakavulica ni rawa ni o rawata e dua na ka mai na sega ni ka. Oqori e dua na vakasama rerevaki ka lasu. Na qaqa e na veimau i lavo e sega ni nuitaki ka veilecayaki. Na rawa-ka o cakacakataka e veivakacegui vakalevu cake sara, nuitaki, ka tu dede.

Kevaka e tiko e so na nomu itokani e ra dau veimau i lavo, e rawa ni o tovolea mo vukei ira. E rawa ni o tukuna vei ira—ka, bibi cake, vakaraitaka vei ira—ni tu e so na sala vinaka cake me vakayagataki kina na nomu gauna kei na ilavo. E rawa ni o vakaraitaka vei ira ni bula e na vinaka cake ni o sega ni vakayalia na nomu ilavo kei na tiko-vinaka ki na dua na itovo e kauta mai na veilecayaki kei na rarawa ki vei ira e vuqa na tamata.

Me kena ikuri, raica na Peresitedi Gordon B. Hinckley (1910–2008), “Gambling,” koniferedi raraba ni Epe. 2005.