Եկեք Նրա մոտ

Փրկիչը հրավիրում է մեզ մեր բեռները դնել Իր վրա։

Նկար

Հիսուս Քրիստոս

Նկարները՝ Էննի Հենրի Նեյդերի

Ինձ մոտ եկեք

Մենք կարող ենք գալ Փրկչի մոտ՝ սովորելով Նրա ավետարանը, հավատալով Նրան, ապաշխարելով, ուխտեր կապելով, պահելով և հետևելով Նրա օրինակին։

հոգնածներ … բեռնավորվածներ

Ֆիզիկական աշխատանքն ու ֆիզիկական ծանրաբեռնվածությունը կարող են մեզ մաշել, բայց նույնը կարելի է ասել մտավոր, հուզական և հոգևոր լարվածության մասին։ Փրկիչն առաջարկում է մեզ Իր խաղաղությունը, անկախ այն բանից, թե ինչ տեսակի բեռներ ենք կրում։

լուծ

Լուծը գործիք է երկու կենդանիներին միացնելու համար, որպեսզի նրանք կարողանան միասին քաշել բեռը, օրինակ՝ գութանը կամ սայլը։ Լուծը սովորաբար ունի փայտե հեծան, որը հենվում է յուրաքանչյուր կենդանու ուսին, որը բաշխում է քաշը։

սովորել

Մենք կարող ենք սովորել Հիսուս Քրիստոսի մասին՝ ուսումնասիրելով Նրա ուսմունքները և Նրա օրինակը և փորձելով հետևել դրանց։

հանգիստ

Փրկչի հանգստությունը Նրա խաղաղությունն է, որը հանդարտեցնում է մեր մտքերը և հոգիները։ Նա օգնում է մեզ հաղթահարել աշխարհիկ անհանգստությունները և տալիս է մեզ հոգևոր ուժ, երբ մենք մեզ թույլ ենք զգում։

քաղցր … թեթև

Փրկչի լուծը մեզ վրա վերցնելը նշանակում է կապել մեզ Նրա հետ ուխտերի միջոցով։ Դա նշանակում է ողջ սրտով նվիրվել Նրան և Նրա աշխատանքին։ Երբ մենք այդպես ենք վարվում, մեր բեռները թեթև են թվում, քանի որ Նա օգնում է մեզ։